7 Mgbe mmụọ ozi nke mbụ fụrụ opi ya, e nwere akụ́ mmiri igwe a gwakọtara ya na ọkụ na ọbara. Akụ́ mmiri igwe a dakwara n’ụwa.+ Otu ụzọ n’ụzọ atọ nke ụwa na nke osisi wee gbaa ọkụ, ahịhịa niile agbaakwa ọkụ.+

8 Mgbe mmụọ ozi nke abụọ fụrụ opi ya, ihe yiri nnukwu ugwu ọkụ na-agba dara wee daba n’ime oké osimiri,+ otu ụzọ n’ụzọ atọ nke oké osimiri aghọọ ọbara.+

10 Mgbe mmụọ ozi nke atọ fụrụ opi ya, otu kpakpando ukwu nke na-enwu ka ọkụ si n’eluigwe daa. Ọ dakwara n’elu otu ụzọ n’ụzọ atọ nke osimiri nakwa n’elu isi mmiri dị iche iche.+

12 Mgbe mmụọ ozi nke anọ fụrụ opi ya, e tiri otu ụzọ n’ụzọ atọ nke anyanwụ+ na nke ọnwa na nke kpakpando ihe. E tiri ha ihe a ka otu ụzọ n’ụzọ atọ ha gbaa ọchịchịrị,+ ka otu ụzọ n’ụzọ atọ nke oge ìhè na-adị n’ụbọchị gbaa ọchịchịrị, otu ụzọ n’ụzọ atọ nke oge ìhè na-adị n’abalị agbaakwa ọchịchịrị.

9 Mgbe mmụọ ozi nke ise fụrụ opi ya,+ ahụrụ m otu kpakpando nke si n’eluigwe daa n’ụwa. E nyekwara ya mkpịsị ugodi nke olulu abis.*+

13 Mgbe mmụọ ozi nke isii+ fụrụ opi ya,+ anụrụ m olu si na mpi ndị dị n’ebe ịchụàjà ahụ e ji ọlaedo rụọ+ nke dị n’ihu Chineke.

15 Mgbe mmụọ ozi nke asaa fụrụ opi ya,+ e nwere ndị ji oké olu si n’eluigwe kwuo, sị: “Alaeze ụwa aghọọla Alaeze nke Chineke+ na nke Kraịst ya.+ Chineke ga na-achịkwa ruo mgbe niile ebighị ebi.”+