Abụ Ọma
Maka onye na-eduzi abụ. Abụ Devid bụrụ mgbe Netan onye amụma gwachara ya okwu maka iko ya na Bat-shiba kwara.+
51 Chineke, biko, meere m amara n’ihi ịhụnanya gị.*+
Hichapụ mmehie m n’ihi na ebere gị dị ukwuu.+
M meela ihe dị njọ n’anya gị.+
N’ihi ya, ị bụ onye ezi omume ma i kwuo okwu,
A gaghịkwa ata gị ụta mgbe ị na-ekpe ikpe.+
5 Lee, m bu mmehie pụta ụwa.
Abụ m onye mmehie malite mgbe nne m dị ime m.+
6 Ihe na-amasị gị bụ obi mmadụ ịdị ọcha.+
Kụziere m ihe, ka ihe m na-eche n’ime ime obi m gosi na m ma ihe.
7 Jiri ùkwù ahịhịa hisop sachapụ mmehie m ka m dị ọcha.+
Sachaa m, ka m dị ọcha karịa snoo.+
11 Achụpụla m n’ihu gị.
Anapụkwala m mmụọ nsọ gị.
12 Mee ka obi dịghachi m ụtọ otú ọ dị m mgbe ị zọpụtara m.+
Mee ka irubere gị isi na-agụ m agụụ.
16 N’ihi na ọ bụghị àjà ka ị chọrọ. Ọ bụrụ ya ka ị chọrọ, m gaara achụrụ gị ya.+
Ọ bụghị àjà a na-esucha ọkụ na-amasị gị.+
17 Àjà Chineke na-anabata bụ ihe mmadụ mere iwute ya n’obi.
Chineke, ị gaghị eleghara onye obi gbawara anya nakwa onye ihe o mere na-ewute.+
18 Meere Zayọn ihe ọma.
Rụghachi mgbidi Jeruselem.
19 Mgbe ahụ, àjà ndị ezi omume na-achụ ga-amasị gị,
Ma àjà dị iche iche a na-esu ọkụ ma àjà ndị a na-esucha ọkụ.
A ga-ejizi ọtụtụ oké ehi chụọ àjà n’ebe ịchụàjà gị.+