Job

 3 Gịnị mere unu ga-eji were anyị ka anụmanụ,+

Na-elekwa anyị anya ka ndị iberiibe?*

 4 Ọ bụrụgodị na iwe ị na-ewe emee ka ị dọrie onwe gị,*

À ga-agbapụrụ gị n’ụwa,

Ka oké nkume ọ̀ ga-esi n’ebe ọ dị pụọ?

 5 N’eziokwu, a ga-emenyụ ọkụ onye ajọ omume,

Ire ọkụ ya agaghịkwa enwu.+

 6 Ọkụ nke na-enwu n’ụlọikwuu ya ga-agba ọchịchịrị,

A ga-afụnyụkwa ọkụ* o konyere n’ụlọikwuu ya.

 7 A ga-eme ka otú o si azọsi ụkwụ ike n’ala belata,

Atụmatụ ya ga-emekwa ka ọ daa.+

10 E zoro ụdọ n’ala ka e jiri ya jide ya,

E sikwara ọnyà n’ebe o si agafe.

11 Ihe niile gbara ya gburugburu na-emenye ya ụjọ,+

Ụjọ na-emekwa ka ọ nọrọ n’ọsọ mgbe niile.

14 A ga-esi n’ụlọikwuu ya, bụ́ ebe obi ruru ya ala, kpụpụta ya+

Kpọgara ya eze kacha emenye mmadụ ụjọ.*

16 Mgbọrọgwụ ya ga-akpọ nkụ n’ime ala,

Alaka ya ga-akpọnwụkwa.

17 A gaghị na-echeta ya n’ụwa,

A gaghịkwa ama aha ya* n’okporo ámá.

18 A ga-esi n’ìhè chụba ya n’ọchịchịrị,

A ga-achụpụkwa ya n’ụwa.

19 Ọ gaghị enwe ụmụ na ụmụ ụmụ n’ebe ndị obodo ya bi,

E nweghịkwa onye ga-afọrọ ya ndụ n’ebe o bi.*

20 N’ụbọchị ọdachi ga-adakwasị ya, akpata oyi ga-awụ ndị nọ n’Ebe Ọdịda Anyanwụ,

Egwu ga-ejidekwa ndị nọ n’Ebe Ọwụwa Anyanwụ.

21 Ọ bụ ihe na-eme ụlọikwuu onye na-eme ihe ọjọọ,

Ọ bụkwa ihe na-eme ụlọ onye na-amaghị Chineke.”