Aịzaya
51 “Unu ndị chọrọ ịna-eme ezi omume,
Ndị na-achọkwa Jehova, geenụ m ntị.
Chebaranụ oké nkume unu si na ya pụta echiche.
Chebarakwanụ olulu e si na ya gwupụta unu echiche.
2 Lekwasịnụ Ebreham nna unu anya.
Lekwasịkwanụ Sera,+ onye mụrụ unu,* anya.
M kpọrọ Ebreham mgbe ọ ka nọ naanị ya.+
M gọziri ya, meekwa ka ụmụ ya mụbaa.+
Ọ ga-eme ka ebe ya niile e bibiri ebibi dịghachi mma.*+
Ndị bi na ya ga na-enwe obi ụtọ, na-enwekwa aṅụrị.
A ga na-anụkwa olu ndị na-ekele Chineke na olu ndị na-abụ abụ n’ime ya.+
4 Ndị m, ṅaanụ m ntị.
M ga-emekwa ka ikpe ziri ezi m na-ekpe ghọọrọ mba dị iche iche ìhè.+
5 Oge m ga-egosi otú m si bụrụ onye ezi omume dị nso.+
Agwaetiti niile ga-eji m nwee olileanya.+
Ha ga-echerekwa ka m jiri ike* m mee ihe m chọrọ ime.
6 Leenụ anya n’eluigwe,
Leekwanụ anya n’ụwa dị n’okpuru ya.
A ga-eme ka eluigwe gbarie ma kupụsịa ka anwụrụ ọkụ.
Ụwa ga-aka nká ka uwe,
Ndị bi na ya ga-anwụkwa ka anwụnta.
Unu atụla egwu emo ụmụ mmadụ efu na-akwa unu.
Unu atụkwala ụjọ maka mkparị ha na-akparị unu.
8 N’ihi na egu* ga-erichapụ ha dị ka uwe.
Egu* nke na-atakasị ákwà ga-erichapụ ha ka à ga-asị na ha bụ ajị anụ.+
Ma, m ga na-eme ezi omume ruo mgbe ebighị ebi.
M ga na-azọpụtakwa ndị mmadụ n’ọgbọ niile.”+
9 Ka Jehova jiri aka ya kpaa ike.
Ka o jirikwa aka ya gosi ike ya.+
Ka ọ kpaa ike otú ọ kpara n’oge ochie.
10 Ọ́ bụghị gị mere ka oké osimiri takọọ, ya bụ, mmiri dị n’oké osimiri?+
Ọ́ bụghị gị mere ka oké osimiri ghọọrọ ndị ị gbapụtara agbapụta ụzọ ha ga-esi gafere?+
11 Ndị Jehova gbapụtara ga-alọta.+
Ha ga-etiri mkpu ọṅụ bata na Zayọn.+
Ha agaghịkwa akwụsị ịṅụrị ọṅụ.+
Ha ga na-enwe obi ụtọ, na-enwekwa aṅụrị.
Ha ga-akwụsị iru uju, kwụsịkwa ịsụ ude.+
12 “Ọ bụ mụnwa bụ Onye na-akasi unu obi.+
Gịnị mere unu ga-eji na-atụ mmadụ efu nke ga-anwụ anwụ egwu,+
Na-atụkwa nwa nke mmadụ egwu, bụ́ onye ga-akpọnwụ ka ahịhịa ndụ?
13 Gịnị mere unu ji chefuo Jehova bụ́ Onye kere unu,+
Onye gbasara eluigwe ka ákwà,+ onye tọkwara ntọala ụwa?
Unu nọkwa na-atụ ụjọ mgbe niile n’ihi iwe ndị na-emegbu unu na-ewe,
Dị ka à ga-asị na ha ga-ebibili unu.
Ugbu a, ndị na-emegbu unu, hà ka na-ewesa unu iwe?
14 N’oge na-adịghị anya, a ga-atọhapụ onye e kere agbụ ígwè.+
Ọ gaghị anwụ, nke e ji eli ya eli.
Ihe oriri agaghịkwa akọ ya.
15 Ma, abụ m Jehova, bụ́ Chineke gị,
Onye na-eme ka oké osimiri na-eme mkpọtụ, na-emekwa ka ọ na-amali elu.+
Jehova nke ụsụụ ndị agha bụ aha m.+
16 M ga-eme ka i kwuo ihe m chọrọ ikwu.
M ga-asịkwa ndị bi na Zayọn, ‘Unu bụ ndị m.’+
17 Jeruselem, teta, teta. Bilie ọtọ.+
Ị ṅụọla ihe dị n’iko Jehova ji n’aka, ya bụ, iko na-egosi na iwe ji ya.
Ị ṅụọla ihe dị n’iko ahụ.
Ị ṅụchaala ihe dị n’iko ahụ nke na-eme ka mmadụ na-adagbugharị.+
18 A bịa n’ụmụ niile ị mụrụ, e nweghị nke na-edu gị.
A bịakwa n’ụmụ niile ị zụrụ ha etoo, e nweghị nke na-ejide gị aka.
19 Ihe abụọ ndị a emeela gị.
Ònye ga-asị gị ndo?
A ga-ebibi gị, laa gị n’iyi. Agụụ ga-agụgbu gị. A ga-ejikwa mma agha mee gị ihe.+
Ònye ga-akasi gị obi?+
Ha dina n’ebe niile ụzọ gbara mkpị,
Dị ka anụmanụ ọnyà mara.
Jehova ewesala ha ezigbo iwe. Chineke gị abaarala ha ezigbo mba.”
21 N’ihi ya, gịnwa, bụ́ onye nọ n’ahụhụ, onye na-emekwa ka onye mmanya na-egbu, ma ọ bụghị mmanya na-egbu gị,
Biko, gee ntị n’ihe a.
22 Onyenwe gị, Jehova, bụ́ Chineke gị, onye na-alụrụ ndị ya ọgụ, kwuru, sị:
“M ga-anara gị iko ahụ i ji nke na-eme ka ị na-adagbugharị,+
Iko ahụ, bụ́ iko na-egosi na iwe ji m.
O nweghịkwa ihe ga-eme ka ị ṅụọ ihe dị na ya ọzọ.+
Ọ bụ ya mere i ji mee ka azụ gị dị ka ala nkịtị,
Meekwa ka ọ dị ka okporo ámá ha na-esi agafe.”