Akwụkwọ Mgbe Ochie nke Bara Uru Taa
Ọtụtụ ndị kwetara na Baịbụl bụ akwụkwọ dị nsọ na-ekwu banyere Chineke. Ma, Baịbụl na-agwakwa anyị ihe ndị bara uru ga-enyere anyị aka kwa ụbọchị.
Dị ka ihe atụ, legodị ihe ụfọdụ ndị kwuru banyere uru ịgụ Baịbụl na ime ihe ha mụtara na ya baara ha.
“Obi na-eruzi m ala ugbu a. Anaghịzi m echegbukarị onwe m. Obi na-adịzi m ụtọ ugbu a karịa mgbe mbụ.”—Fiona.
“Ịmụ Baịbụl emeela ka ndụ m nwee isi ma na-atọ m ụtọ.”—Gnitko.
“Ndụ m akala mma ugbu a karịa mgbe mbụ. Anaghị m ejizi oge m niile arụ ọrụ. Enwekwuola m oge mụ na ezinụlọ m ji anọrị.”—Andrew.
Ọ bụghị naanị mmadụ ole na ole a kwuru na Baịbụl na-abara ha uru. N’ebe niile n’ụwa, ọtụtụ ndị achọpụtala na ime ihe Baịbụl kwuru na-abara ha uru kwa ụbọchị.
Ka anyị lee otú Baịbụl nwere ike isi nyere mmadụ aka ime ka ndụ ya kakwuo mma n’ihe banyere . . .
Ahụ́ ike
Mmadụ ijide onwe ya
Ezinụlọ na ndị enyi
Ego
Ihe ime mmụọ
Isiokwu ndị na-esonụ ga-egosi na Baịbụl abụghị naanị akwụkwọ dị nsọ, kama na ọ bụkwa akwụkwọ ga-abara mmadụ uru kwa ụbọchị.