NKEBI NKE 7

Ònye Bụ Jizọs?

Jehova zitere Jizọs n’ụwa. 1 Jọn 4:9

Ebe Jizọs nọ n’aka nri Chineke n’eluigwe

Ọ bụrụ na anyị chọrọ ime ihe dị Jehova mma, e nwere onye ọzọ dị mkpa anyị kwesịrị ige ntị. Ọtụtụ afọ tupu Jehova ekee Adam, o kere otu onye dị ike, bụ́ mmụọ, n’eluigwe.

Mgbe Meri dị ime na mgbe ọ mụchara Jizọs

Jehova mechara zite ya n’ụwa ka nwa agbọghọ na-amaghị nwoke, onye aha ya bụ Meri, mụọ ya na Betlehem. Aha a gụrụ nwa ahụ Meri mụrụ bụ Jizọs.—Jọn 6:38.

Ebe Jizọs na-akụziri ndị mmadụ gbasara Jehova

Mgbe Jizọs nọ n’ụwa, o ṅomiri àgwà Chineke nke ọma. O nwere obiọma, hụkwa ndị mmadụ n’anya. Ọ dịkwaara ndị mmadụ mfe ịbịakwute ya. Ọ kụziiri ndị ọzọ eziokwu banyere Jehova n’atụghị egwu..

Jizọs mere ihe ọma, ma ndị mmadụ kpọrọ ya asị. 1 Pita 2:21-24

Ebe Jizọs kpọlitere otu nwata nwaanyị n’ọnwụ na ebe ọ na-agwọ otu nwoke ahụ́ na-adịghị

Jizọs gwọrọ ndị ọrịa, kpọlitekwa ụfọdụ ndị nwụrụ anwụ.

Ndị ndú okpukpe kpọrọ Jizọs asị n’ihi na ọ gbara ozizi ụgha ha na omume ọjọọ ha n’anwụ.

Ebe a na-akụ Jizọs ihe na ebe a kpọgidere ya n’osisi

Ndị ndú okpukpe gwara ndị Rom okwu ụgha banyere Jizọs. N’ihi ya, ndị ọchịchị Rom tiri Jizọs ihe ma gbuo ya.