Isiokwu Ndị Dị n’Ụlọ Nche A

N’oge Jizọs, òtù ndọrọ ndọrọ ọchịchị ndị mmadụ nọ ya, ọkwá ha, nakwa agbụrụ ha mere ka ha ghara ịdị n’otu. N’isiokwu abụọ a, anyị ga-ahụ otú Kraịst si kụziere ndị na-eso ụzọ ya ka ha dịrị n’otu nakwa ka ha kwụsị ịkpọ ndị ọzọ asị, bụ́ ihe na-eme ka ndị mmadụ ghara ịdị n’otu. Anyị ga-ahụkwa otú ihe ndị ha mere nwere ike isi mee ka anyị na-adị n’otu n’ụwa a na-adịghị n’otu.

Ka akọnuche anyị nwee ike ịna-arụ ọrụ nke ọma, anyị ga-azụ ya azụ. Jehova enyela anyị iwu na ụkpụrụ ya iji zụọ akọnuche anyị nke ọma ma na-ele ihe anya otú o si ele ya. Isiokwu a kwuru otú ụkpụrụ ndị dị na Baịbụl ga-esi enyere anyị aka n’ihe ndị anyị na-eme ná ndụ.

Jizọs gwara ndị na-eso ụzọ ya ka ha mee ka ìhè ha na-enwu ka e too Chineke. Isiokwu a kwuru ihe ndị ọ ga-abụ anyị mee, ha enyere anyị aka ime ka ‘ìhè anyị na-enwu’ karịa.