Ịma Ọkwa

◼ Akwụkwọ a ga-enyefe na January: Akwụkwọ ọ bụla e bipụtara tupu 1988 nke ọgbakọ pụrụ inwe. Ọ bụrụ na unu enweghị nke ọ bụla n’ime ndị a, biko chọpụtanụ ma ọgbakọ ndị dị unu nso hà nwere akwụkwọ ndị ahụ meworo ochie karị, ndị unu pụrụ iji mee ihe. Ọgbakọ ndị na-enweghị akwụkwọ ndị meworo ochie karị pụrụ inyefe Mankind’s Search for God. February: Bịaruo Jehova Nso. Ọ bụrụ na unu enweghị akwụkwọ a, unu pụrụ iji Mkpughe—Mmezu Ya Dị Ebube Dị Nso! mee ihe n’ọnọdụ ya. March: Ihe Ọmụma nke Na-eduba ná Ndụ Ebighị Ebi. A ga-eme mgbalị pụrụ iche ịmalite ọmụmụ Bible ebe obibi. Ọ bụrụ na ndị mmadụ e nweelarị akwụkwọ a, a pụrụ inyefe Ṅaa Ntị n’Amụma Daniel! April: Nyefee Ụlọ Nche na Teta! Mgbe ị na-eme nletaghachi na nke ndị nwere mmasị, gụnye ndị bịara Ememe Ncheta na ihe omume ndị ọzọ nke ọchịchị Chineke bụ́ ndị na-adịghị eso ọgbakọ akpachi anya. Lekwasị anya n’inyefe akwụkwọ Fee Chineke Ofufe. E kwesịrị ịgbalịsi ike ịmalite ọmụmụ Bible ebe obibi, karịsịa ma ọ bụrụ na ụfọdụ ndị amụworị akwụkwọ Ihe Ọmụma na broshuọ Na-achọ.

◼ Malite n’izu nke March 15, 2004, anyị ga-amụ Bịaruo Jehova Nso n’Ọmụmụ Akwụkwọ Ọgbakọ.

◼ Malite na February, n’agafeghịkwa March 7, isiokwu nke okwu ihu ọha ọhụrụ ndị nlekọta sekit ga na-ekwu ga-abụ “Ụkpụrụ Ònye Ka Ị Na-eji Akpọrọ Ihe?”

◼ Ọgbakọ nile kwesịrị ime ndokwa ndị kwesịrị ekwesị iji mee Ememe Ncheta nke afọ a na Sunday, April 4, mgbe anyanwụ dasịrị. Ọ bụ ezie na okwu pụrụ ịmalite n’oge karị, mbugharị nke ihe nnọchianya ndị ahụ ekwesịghị ịmalite ruo mgbe anyanwụ dasịrị. Ebe ọ na-adịghị nzukọ ọzọ a ga-enwe n’ụbọchị ahụ ma e wezụga nzukọ maka ozi ubi, e kwesịrị ime nhazigharị ndị kwesịrị ekwesị ka e duzie Ọmụmụ Ihe Ụlọ Nche n’oge ọzọ. Ọ ga-adị mkpa ka ndị nlekọta sekit megharịa usoro ihe omume ha maka nzukọ n’izu ahụ dị ka ọnọdụ ọgbakọ si dị. Ọ bụ ezie na ọ ga-adị mma ka ọgbakọ ọ bụla mee Ememe Ncheta nke ya, ọ pụrụ ịbụ na nke a agaghị ekwe omume mgbe nile. N’ebe ihe karịrị otu ọgbakọ na-eji otu Ụlọ Nzukọ Alaeze eme ihe, ma eleghị anya otu ọgbakọ ma ọ bụ karị pụrụ inweta ihe owuwu ọzọ ha ga-eji mee ihe n’uhuruchi ahụ. N’ebe o kwere omume, anyị na-atụ aro ka e nwee minit 40 ma ọ dịkarịa ala mgbe e mesịrị ihe omume tupu a malite ihe omume ọzọ ka mmadụ nile wee nwee ike irite uru zuru ezu n’ememe ahụ. E kwesịkwara ichebara ọnọdụ ngagharị na ndọwa nke ụgbọala echiche, gụnyere ibusa na iburu ndị mmadụ. Òtù ndị okenye kwesịrị ikpebi ndokwa ndị ga-akasị mma n’ógbè ha.