Ịma Ọkwa
◼ Akwụkwọ a ga-enyefe na Mach: Gịnị n’Ezie Ka Bible Na-akụzi? Gbalịsie ike ịmalitere ndị mmadụ ọmụmụ Baịbụl. Eprel na Mee: Magazin Ụlọ Nche na Teta! Mgbe ị gara nletaghachi na nke ndị nwere mmasị, ma hà bụ ndị bịara Ncheta Ọnwụ Jizọs ma ọ̀ bụkwanụ ndị na-abịa nzukọ anyị ndị ọzọ ma ha adịghị eso ọgbakọ akpachi anya, gbalịsie ike inyefe ha akwụkwọ Gịnị n’Ezie Ka Bible Na-akụzi? Jun: Gịnị n’Ezie Ka Bible Na-akụzi? Ọ bụrụ na ndị nwe ụlọ nwere akwụkwọ a, e nwere ike inyefe akwụkwọ ọ bụla merela ochie unu nwere n’ọgbakọ. Ma ọ bụ e nyefee akwụkwọ Fee Onye Nanị Ya Bụ Ezi Chineke ahụ Ofufe.
◼ A ga-ekwu okwu ihu ọha pụrụ iche maka oge Ncheta Ọnwụ Jizọs nke afọ 2011 n’izu na-amalite n’Eprel 25, 2011. Isiokwu ya bụ: “Ndụmọdụ Ndị Dị na Baịbụl—Hà Nwere Ike Inyere Anyị Aka Imeri Nsogbu Ndị Anyị Na-enwe Taa?” Ọgbakọ ndị ga-enwe onye nlekọta sekit n’izu ahụ, ma ọ bụ ndị ga-enwe mgbakọ sekit ma ọ bụ ụbọchị mgbakọ pụrụ iche ná ngwụcha izu ahụ, kwesịrị inwe ya n’izu na-esonụ. E nweghị ọgbakọ kwesịrị ikwu ya tupu Eprel 25.
◼ A ga-atụle vidio anyị bụ́ Jehovah’s Witnesses—Organized to Share the Good News n’otu n’ime Nzukọ Ije Ozi a ga-enwe n’ọnwa Ọgọst. Ọ bụrụ na e nwere onye chọrọ ya, o kwesịrị isi n’aka ọgbakọ tụọ ọda ya ozugbo.