Ndị Na-eto Eto​—Jehova Ọ̀ Bụ Ezigbo Enyi Unu?

Olee àgwà ndị ị chọrọ ka enyi gị nwee? O nwere ike ịbụ na ị chọrọ ka ọ bụrụ onye ị ga-atụkwasịli obi, onye nwere obiọma, na onye na-emesapụ aka. Jehova nwere àgwà ndị a niile. (Ọpụ. 34:6; Ọrụ 14:17) Ọ na-anụ ekpere gị. Ọ na-enyere gị aka mgbe ọ bụla enyemaka dị gị mkpa. (Ọma 18:​19, 35) Ọ na-agbaghara gị mmehie gị. (1 Jọn 1:9) Jehova bụ enyi kacha enyi niile.

Olee otú i nwere ike isi bụrụ enyi Jehova? Na-agụ Baịbụl. Ime otú ahụ ga-eme ka ị mụta gbasara ya. Na-akọrọ ya obi gị. (Ọma 62:8; 142:2) Gosi na i ji ihe ndị dị Jehova mkpa kpọrọ ihe. Ihe ndị dị ka, Ọkpara ya, Alaeze ya, nakwa nkwa ndị o kwere maka ọdịnihu. Na-agwa ndị ọzọ gbasara ya. (Diut. 32:3) Ọ bụrụ na i mee ka gị na Jehova dịrị n’ezigbo mma, ọ ga-abụ enyi gị ruo mgbe ebighị ebi.​—Ọma 73:​25, 26, 28.

LEENỤ VIDIO BỤ́ NDỊ NA-ETO ETO​—“DETỤNỤ JEHOVA IRE MA HỤ NA Ọ DỊ MMA” ZAAKWANỤ AJỤJỤ NDỊ A:

• 

  Olee otú ị ga-esi kwadebe maka inyefe Jehova onwe gị, e meekwa gị baptizim?

• 

  Olee otú ndị ọzọ nọ n’ọgbakọ ga-esi nyere gị aka ife Jehova?

• 

  Olee otú ikwusa ozi ọma ga-esi eme ka gị na Jehova dịkwuo ná mma?

• 

  Olee ụzọ ndị i nwere ike isi jekwuoro Jehova ozi?

• Olee ihe na-amasị gị gbasara Jehova?