NKEBI NKE 4

Gịnị Ka Ntị Adam na Iv Gere Setan Kpatara?

Adam na Iv nupụụrụ Chineke isi ma nwụọ. Jenesis 3:6, 23

Ebe Iv na-eri mkpụrụ osisi ahụ Chineke sịrị ha erila, na ebe ọ na-enye ya Adam ka o rie

Iv gere agwọ ahụ ntị wee rie mkpụrụ osisi ahụ. O mechara nyetụ Adam, Adam eriekwa.

Ihe ahụ ha mere adịghị mma. Ọ bụ mmehie. Chineke chụpụrụ ha na Paradaịs ahụ ha bi.

Ihe siiri ha na ụmụ ha ike. Ha kara nká, mechaakwa nwụọ. Ha agaghị biri n’ala ndị mmụọ; ha kwụsịrị ịdị ndụ.

Ndị nwụrụ anwụ adịghị ndụ, otú ahụ ájá na-adịghị ndụ. Jenesis 3:19

Ndị si ebe dị iche iche biri ndụ n’oge dị iche iche

Ihe mere anyị ji anwụ bụ na anyị niile bụ ụmụ Adam na Iv. Ndị nwụrụ anwụ anaghị ahụ ụzọ, ha anaghị anụ ihe, ha anaghịkwa eme ihe ọ bụla.—Ekliziastis 9:5, 10.

Ebe otu nwata nwaanyị nwụrụ, ndị mụrụ ya ana-eruru ya uju

Jehova ebughị n’obi ka ndị mmadụ na-anwụ anwụ. N’oge na-adịghị anya, ọ ga-akpọlite ndị nwụrụ anwụ. Ọ bụrụ na ha egee ya ntị, ha ga-adị ndụ ebighị ebi.