Maka Ndị Na-eto Eto
Kwụsie Ike n’Ihe Ndị I Kweere!
Otú ị ga-esi mee ya: Nọrọ n’ebe ụzụ na-adịghị mee ihe omume a. Mgbe ị na-agụ amaokwu ndị a, were ya na ị nọ mgbe ihe ahụ ị na-agụ mere. Jiri uche gị kirie ebe ọ na-eme. Nụrụ ihe ndị nọ n’ebe ahụ na-ekwu. Gbalịa ka ị ghọta otú obi dị ndị ị na-agụ akụkọ ha. Ka ihe ị na-agụ yie gị ka ọ̀ na-eme eme ugbu a.
Ndị bụ́ isi n’akụkọ a: Jeremaya, Ibed-melek, Eze Zedekaya
Nchịkọta: A kpagburu Jeremaya mkpagbu kpụ ọkụ n’ọnụ mgbe ọ na-akpọsa ozi Chineke nke bụ́ ka ndị Juda chịliere ndị Kaldia aka elu.
1 CHEBARA OTÚ IHE A SI MEE ECHICHE.—GỤỌ JEREMAYA 38:1-5.
Olee otú i chere obi dị Jeremaya mgbe ọ na-agwa ndị Juda okwu?
․․․․․
Olee otú i chere obi dị Jeremaya mgbe ọ na-akpọsa ịdọ aka ná ntị Jehova?
․․․․․
LEBAKWUO YA ANYA.
Olee ihe ndị mesiri Jeremaya obi ike ikwu okwu otú ahụ?
․․․․․
2 CHEBARA OTÚ IHE A SI MEE ECHICHE.—GỤỌ JEREMAYA 38:6-13.
Jiri echiche gị kọwaa olulu mmiri ahụ—obosara ya, omimi ya, na ísìsì ya.
․․․․․
Olee ihe nwere ike ịgbata Jeremaya n’obi mgbe o ‘mikpuru n’apịtị ahụ’? (Gụghachi amaokwu 6.)
․․․․․
LEBAKWUO YA ANYA.
Jiri ihe ndị e ji eme nnyocha i nwere chọpụta ihe ị na-amabughị banyere olulu mmiri ndị e nwere n’oge Baịbụl.
․․․․․
Olee ihe kara Ibed-melek obi ịchọ ịgụpụta Jeremaya? (Gụghachi amaokwu 7-9.)
․․․․․
Olee ihe mere o ji dị mfe ndị isi ime ka Zedekaya kwenyere ha, e mesịakwa ya ekwenyere Ibed-melek ngwa ngwa? (Gụghachi amaokwu 5 na 10.) Olee ihe nke a na-egosi banyere ụdị onye Zedekaya bụ, na otú o si bụrụ na ọ bụghị onye na-akwụsi ike n’ihe o kweere?
․․․․․
Olee ndị a kpọrọ aha n’akụkọ a kwụsịrị ike n’ihe ndị ha kweere, oleekwa onye nke na-akwụsighị? Olee ihe mere i ji zaa otú ahụ?
․․․․․
3 MEE IHE Ị MỤTARA. DEE IHE Ị MỤTARA BANYERE . . .
Obi ike.
․․․․․
Ịkwụsi ike n’ihe i kweere.
․․․․․
Otú Jehova si echebe ndị na-erubere ya isi n’atụghị egwu.
․․․․․
Mgbe ị nọ ná nsogbu, olee otú ịkwụsi ike n’ihe ndị i kweere nwere ike isi mee ka i mee ihe ziri ezi?
․․․․․
4 OLEE IHE KACHA BAARA GỊ URU N’AKỤKỌ A? Ọ̀ BỤ MAKA GỊNỊ?
․․․․․
Ọ BỤRỤ NA I NWEGHỊ BAỊBỤL, GWA NDỊÀMÀ JEHOVA KA HA NYE GỊ OTU, MA Ọ BỤ GỊ AMATAKWUO BANYERE YA NA www.watchtower.org na www.jw.org