Nyere Ha Aka Ka Ha “Gbasie Ike n’Okwukwe”

Otú Jehova si na-eme ka ndị mmadụ na-enubata n’ọgbakọ ya na-eme anyị obi ụtọ. Dị ka ihe atụ, kwa afọ, a na-eme ihe karịrị narị puku mmadụ abụọ na puku iri ise baptizim. (Diut. 28:2) Ọtụtụ mgbe, ọ na-abụ onye anyị na-amụrụ ihe mehaala baptizim, anyị ahapụ ya gaa mụwara onye ọzọ ihe. Ọ bụrụgodị na anyị achọọ ịna-amụrụ ya ihe, mkpa ya nwere ike ịbụ ịna-agachi ozi ọma anya, kama ịna-amụ ihe. Ma, nke bụ́ eziokwu bụ na onye batara n’ọgbakọ ọhụrụ kwesịrị ịmụsi ihe ike ka o wee mara nke a na-akọ ma “gbasie ike n’okwukwe.” (Kọl. 2:6, 7; 2 Tim. 3:12) N’ihi ya, mgbe e mechara mmadụ baptizim, e kwesịrị ịna-amụrụ ya ihe ruo mgbe ọ mụchara akwụkwọ Bible Na-akụzi na akwụkwọ “Ịhụnanya Chineke.”—Gụọ Ozi Alaeze Anyị nke Eprel 2011, peeji 2.