Ala ‘Meghere Ọnụ Ya Loo Osimiri Ahụ’

Kemgbe ụwa, e nweela ọtụtụ oge ndị ọchịchị nyeere ndị Jehova aka. (Ezra 6:1-12; Esta 8:10-13) N’oge anyị a kwa, anyị ahụla ka “ala,” ya bụ, ndị ọchịchị nwere ezi uche, loro “osimiri” nke mkpagbu “dragọn ahụ” bụ́ Ekwensu mere ka a na-akpagbu ndị Jehova. (Mkpu. 12:16) Mgbe ụfọdụ, Jehova, bụ́ “Chineke nke na-enye nzọpụta,” nwere ike ime ka ndị ọchịchị kwụsị ahụhụ a na-ata ndị ohu ya.—Ọma 68:20; Ilu 21:1.

Ma, ọ bụrụkwanụ na a tụrụ gị mkpọrọ n’ihi ihe i kweere? Ka obi sie gị ike na Jehova nọnyeere gị. (Jen. 39:21-23; Ọma 105:17-20) Obi siekwa gị ike na Jehova ga-akwụ gị ụgwọ maka okwukwe gị nakwa na okwukwe gị na-agba ụmụnna gị ume n’ụwa niile.—Fil. 1:12-14; Mkpu. 2:10.

LEENỤ VIDIO BỤ́ A TỌHAPỤLA ỤMỤNNA ANYỊ NỌ N’ỤLỌ MKPỌRỌ NA KORIA, ZAAKWANỤ AJỤJỤ NDỊ A:

• Gịnị mere e ji tụọ ọtụtụ puku ụmụnna anyị mkpọrọ na Saụt Koria kemgbe ọtụtụ afọ?

• Olee ihe ụlọikpe dị iche iche kpebiri nke mere ka ụfọdụ ụmụnna anyị ghara ịnọru oge e kwuru na ha ga-anọ na mkpọrọ?

• Olee otú anyị nwere ike isi nyere ụmụnna anyị ndị a ka tụrụ mkpọrọ n’ihi okwukwe ha aka?

• Gịnị ka anyị kwesịrị iji oge a anyị nweere onwe anyị na-eme?

• Ònye ka mmeri ọ bụla anyị nwetara n’ụlọikpe si n’aka?