Ì Jikerela?

Ọ bụrụ na ọdachi ndị na-emere onwe ha emee n’ebe i bi ugbu a, ị̀ dị njikere maka ya? Ọdachị ndị dị ka, ala ọma jijiji, ajọ ifufe, ọkụ ọgbụgba, na oké idei mmiri nwere ike ime na mberede, o nwekwara ike imebi ọtụtụ ihe. Ihe ọzọ bụ na ndị na-eyi ọha egwu, ọgba aghara, na ọrịa na-efe efe nwekwara ịkpa mkpamkpa n’ebe ọ bụla na mberede. (Ekli. 9:11) Anyị ekwesịghị iche na ihe ndị a enweghị ike ime n’ebe anyị bi.

Onye ọ bụla n’ime anyị kwesịrị ịdị njikere maka ọdachi. (Ilu 22:3) Ọ bụ eziokwu na nzukọ Jehova na-agbatara anyị ọsọ enyemaka ma e nwee ọdachi, ma nke ahụ apụtaghị na o nweghị ihe anyị ga-eme iji nyere onwe anyị aka.​—Gal. 6:5.

LEENỤ VIDIO BỤ́, Ì JIKERELA MAKA ỌDACHI NDỊ NA-EMERE ONWE HA? ZAAKWANỤ AJỤJỤ NDỊ A:

• 

  Olee otú anyị ga-esi mee ka okwukwe anyị sie ike tupu ọdachi emee?

• 

  Gịnị mere o ji dị mkpa . . .

  • • ka anyị na-akọrọ ndị okenye otú ihe sị dịrị anyị mgbe ọdachi na-emebeghị, mgbe ọdachi na-eme, nakwa mgbe o mechara?

  • • ka anyị nwee akpa anyị kwanyere ihe anyị ga-eji agbapụ?​—g17.5 6

  • • ịtụle ụdị ọdachi ndị nwere ike ime n’ebe i bi na ihe ndị ị ga-eme ma nke ọ bụla n’ime ha mee?

• 

  Olee ihe atọ anyị nwere ike ime iji nyere ndị ọzọ aka ma ọdachi mee?