AKỤ̀ NDỊ SI N’OKWU CHINEKE | ỌPỤPỤ 8-9
Fero Amaghị na Ọ Na-emezu Nzube Chineke
Fero ndị chịrị Ijipt weere onwe ha ka chi. Ọ bụ ya mere Fero ji dị mpako ma jụ ige Mozis na Erọn ntị, jụkwa ige ndị dibịa anwansi ya ntị.
Ị̀ na-ege ndị ọzọ ntị ma ha tụọrọ gị aro? Olee otú obi na-adị gị ma ndị ọzọ nye gị ndụmọdụ? Ọ̀ na-adị gị mgbe niile ka ihe i chere ọ̀ kacha mma? “Nganga na-abịa tupu nkụpịa.” (Ilu 16:18) Ọ dị mkpa ka anyị zere mpako.