OTÚ NDỊ KRAỊST SI EBI NDỤ

Nyere Ndị Na-enweghị Mmasị n’Okpukpe Aka Ka Ha Mata Onye Kere Ha

È nwere mgbe ị na-ahapụ izi ndị na-enweghị mmasị n’okpukpe ozi ọma, na-eche na o nwere ike ha agaghị ege ntị? Ọ bụrụ otú ahụ, cheta na e nwere ọtụtụ ndị na-enweghị mmasị n’okpukpe nakwa ndị na-ekweghị na Chineke dị bụ́ Ndịàmà Jehova ugbu a. Ọtụtụ mgbe, naanị ihe dị mkpa bụ inyere ha aka ka ha leba anya n’ihe ndị gosiri na Chineke dị adị.—Rom 1:20; 10:14.

LEENỤ VIDIO BỤ́ CHETA NA NDỊ NA-ENWEGHỊ OKWUKWE NWERE IKE IMECHA NWEE OKWUKWE—NDỊ NA-ENWEGHỊ OKPUKPE HA NỌ NA YA, ZAAKWANỤ AJỤJỤ A:

Olee otú akụkọ Tommaso si nyere gị aka ịghọta na i kwesịrị ịna-ezi ndị na-enweghị mmasị n’okpukpe ozi ọma?

Azịza gị

Otú ị ga-esi eme ya

Ọ bụrụ na mmadụ asị na ya ekweghị na Chineke, jiri obiọma na akọ gosi ya na i nwere mmasị n’ebe ọ nọ n’agbanyeghị ihe o chere n’okwu ahụ. (2 Tim. 2:24) Jiri isiokwu ga-amasị ya zie ya ozi ọma. Ọ̀ ga-achọ ka gị na ya kwuo gbasara ihe ndị merela ka ọtụtụ ndị kweta na e nwere Onye kere ihe niile? Ọ bụrụ na ọ ga-achọ, jiri akwụkwọ na vidio ndị e wepụtara maka ụdị ndị a zie ya ozi ọma. E tinyere broshọ abụọ bụ́ Was Life Created? na The Origin of Life—Five Questions Worth Asking n’Ihe Ndị Anyị Ji Akụziri Ndị Mmadụ Ihe nke Bekee ka ọ dịrị anyị mfe isi ebe ahụ mepee ha.

Ná mmalite, ụjọ nwere ike ịtụ gị izi onye na-ekweghị na Chineke ozi ọma. Ọ ga-adị mma ma ị gwa onye nkwusa bụ́ aka ochie ka o nyere gị aka. Chetakwa na Jehova ga-enyeliri anyị aka ikwu ihe ga-eru n’obi ndị obi ha dị ọcha, ọ bụrụgodị na ha ekweghị ná mmalite na Chineke dị.—Ọrụ 13:48.