Jiri Baịbụl Mere Enyo

Jems onye na-eso ụzọ Jizọs ji Baịbụl tụnyere enyo na-enyere anyị aka ịhụ ụdị mmadụ anyị bụ n’ime. (Jems 1:22-25) Olee otú anyị ga-esi jiri Baịbụl mere enyo?

Na-agụ ya nke ọma. Ọ bụrụ na anyị ejiri enyo lee onwe anyị anya elu elu, o nwere ike anyị agaghị ahụ ihe ndị anyị kwesịrị imezi. Ọ bụrụ na anyị chọrọ ịmata ebe ndị anyị kwesịrị ịgbanwe, anyị ekwesịghị ịgụ Baịbụl elu elu, kama anyị kwesịrị ịna-agụ ya nke ọma.

Lekwasị anya n’ebe gịnwa kwesịrị ịgbanwe, ọ bụghị n’ebe ndị ọzọ ga-agbanwe. Mgbe ụfọdụ, anyị lee anya n’enyo, anyị na-ahụkwa ndị ọzọ. Anyị nwere ike ilekwasịwa anya n’ihe na-adịghị mma dị n’ahụ́ onye ọzọ. Anyị nwekwara ike ịna-eche gbasara ebe onye ọzọ kwesịrị ịna-eme nke ọma ma anyị gụwa Baịbụl. Ma, ime otú ahụ agaghị enyere anyị aka ịgbanwe.

Na-ele ihe anya otú kwesịrị ekwesị. Ọ bụrụ na naanị ihe anyị na-ahụ mgbe ọ bụla anyị lere enyo bụ ihe na-adịghị anyị mma, obi nwere ike ịjọwa anyị njọ. Anyị kwesịrị ịna-ele ihe anya otú kwesịrị ekwesị mgbe anyị na-agụ Baịbụl ka ihe anyị na-atụ anya ime ghara ịkarị nke Jehova na-atụ anya ka anyị mee.​—Jems 3:17.