Ihe Ndị E Mere n’Afọ Gara Aga

Jehova Chineke si n’ike mmụọ nsọ mee ka Aịzaya buo amụma, sị: “M ga-eweta ọlaedo jiri ya dochie ọla kọpa, m ga-ewetakwa ọlaọcha jiri ya dochie ígwè, were ọla kọpa dochie osisi, werekwa ígwè dochie nkume.” (Aịza. 60:17) N’afọ gara aga, anyị hụrụ ihe ndị doro anya gosiri na amụma a ka na-emezu. Otú ahụ iwepụ ihe dịbu adị ma jiri nke ka ya mma dochie ya si egosi na a na-enwe ọganihu, Ndịàmà Jehova na-enwe ọganihu n’ihi ihe ndị ha hazigharịrịla ná nzukọ ha n’oge ikpeazụ a.—Mat. 24:3.