Ebe Jona hụrụ na ya agaghị enwe ike inyere ha aka, ọ gara n’ala ala ụgbọ mmiri ahụ chọrọ otu ebe dinara ala. Ezigbo ụra buuru ya n’ebe ahụ.b Onyeisi ụgbọ mmiri ahụ hụrụ Jona, ya akpọtee ya ma gwa ya ka o kpekuo chi ya ekpere otú ndị ọzọ na-eme. Ebe ndị na-akwọ ụgbọ ahụ kwenyesiri ike na oké ifufe ahụ agbaghị aka, ha fere nzà ka ha mara onye ọ ga-abụ ya kpataara ha nsogbu ahụ n’ime ndị niile nọ n’ụgbọ ahụ. Ọ ga-abụrịrị na obi wụnyere Jona n’afọ mgbe nzà na-amaghị ndị niile ọzọ nọ n’ụgbọ ahụ. O teghị aka, eziokwu apụta ìhè. Ọ bụ n’ihi Jona ka Jehova ji mee ka oké ifufe ahụ fee. Ọ bụkwa ya ka o mere ka nzà ahụ ma.—Jona 1:5-7.