Ihe Ndị Dị Nnọọ Mma Ọgụgụ!

Í kweghị na isiokwu ndị na-esonụ ndị pụtara ná mbipụta Ụlọ Nche (Bekee) ndị gaworo aga yiri ihe ndị ga-adị nnọọ mma ọgụgụ?

“Igosipụta Mmụọ Chineke”

“Ịchịkwa Ire”

“Ọgba Aghara—N’ihi Gịnị Ka O Ji Dị Ebe Nile Otú A?”

“Ụzọ Isi Zere Ịkwa Ụta”

“Ndị Mpako na Ndị Dị Umeala n’Obi”

Isiokwu ndị a na ọtụtụ isiokwu ndị ọzọ pụtara n’Ụlọ Nche (Bekee) n’agbata afọ 1966 ruo 1969. Hà emewo ochie nke ukwuu nke na anyị apụghị irite uru na ha ugbu a? Ọ dịghị ma ọlị! Unu ka pụrụ inweta mpịakọta Ụlọ Nche nke afọ 1966 ruo 1969 n’asụsụ Bekee. Ndị nkwusa ọ bụla chọrọ mpịakọta Ụlọ Nche ndị a pụrụ ịtụ ọda ha ugbu a site n’aka ohu na-ahụ maka akwụkwọ n’ọgbakọ ha.

Onye nlekọta Ụlọ Akwụkwọ Ije Ozi Ọchịchị Chineke kwesịrị ịchọpụta ma e nwere mpịakọta ndị na-adịghị n’ọbá akwụkwọ Ụlọ Nzukọ Alaeze ma tụọ ọda ha.