ANG ỤDỤ BWU OMYI ẸLA NYA OHE OLUHYE | ỊTAYỊTỌSỊ 1–IFILIMỌN

‘Chụ Angịgbahị nya Ọjịra-jịra’

Tay 1:5-9

ỊTayịtọsị juwa ya ẹla bala aanahị alẹng ịhyẹ ịla ọjịra-jịra nya oyi ọhọhẹ

ỊPọlụ ya ụkụrwọ ha ịTayịtọsị nyọka ‘chụ angị kpẹhị rịrị ọjịra-jịra nya Ohe Oluhye, ha ala ọjịra-jịra ilepweji ọnyọnyọọnyị wuu.’ Alẹ ịnyịnyị, angị kpehị rịrị isekut kaa ba ọmeje ọla ịBayịbụụ ọwẹ jẹ ụka kị ka chụ angịgbahị nya ọjịra-jịra.

ANGỊ KPẸHỊ RỊRỊ OGU

Jaabwọ kọ la lụka nya oye nya ọgbanyẹ-ọgbanyẹ nya angịnyị nya ịKịrayịsị, Angị Kpẹhị Rịrị Ogu ya ụkụrwọ ọtụka ọwẹ ha angị kpẹhị rịrị isekut nyọka chụ angịgbahị nya ọjịra-jịra bala angịmyẹrụ ịnyịnyị.

ANGỊ KPẸHỊ RỊRỊ ISEKUT

Ọngọ kpẹhị rịrị isekut ọnyị myị́ ọnyị ka kụ irya yẹẹyẹẹ bala ọ-raabwọ yẹẹyẹẹ u-uhye nya angịlẹ ká angịgbahị nya ọjịra-jịra ya ụbwọ me, ọọwa lẹ, ị ka chụ angịlẹ kị pwoku iwe-ahụrụ ọwẹ lẹlẹ.

ANGỊGBAHỊ NYA ỌJỊRA-JỊRA ỊLẸ KỊ CHỤ

Kori kị hu ọngịnyị nya ọngọgbahị nya ọjịra-jịra kpá wẹwẹ, ọ ka kịnyaa la ila ọchịchị ẹpwụ nya ang nya olegu ọhọhọ kịlahị-ịlahị.