Kpa Ụpwụ Ọlẹ Kọ Ri Chị Ọkẹkẹnị Gboyi Myị́ Oyi! Họ Ụkụrwọ ẹ-Ẹrụ Ọnyịịla ọ-Kpa Pyẹ Nyang

Ọ kpụhị ịpyọ lụmẹ nyọlẹ kahị la ụpwụ ochiche bala ọtụka inyeewe ịlẹ kahị ka kpa mẹ ịBayịbụụ jẹ! Ahị raabwọ bịlẹ iJihova kọ ka wahị kụrụ aga ọmama nyahị nyọka họ ká angịkịla ka wẹ ka ri angịjụgbẹyị gụ olene-ene. (Mat 28:18-20; 1Kọr 3:6-9) Ányị ahị tị́ ka bwu kpa ang-abwọ inyeewe ịwẹ họ ụkụrwọ?

Chajị nyọlẹ ká ụpwụ nya Chị Ọkẹkẹnị Gboyi Myị́ Oyi!, ịBayịbụụ ọ-jẹ lawụlẹ, gba ụgbẹyị onyeewe ọlẹ kahị ka bwu mẹ ang jẹ kpehe wẹẹ, dịrẹ ọmẹjẹ ọlẹ kọ bọọ ẹ-ẹgọ ụka ká juwa nwụlanọ bala ọ-mẹ ịBayịbụụ jẹ.a

• Wa ụpwụ ọwẹ, kanụ ya ẹla u-uhye nya ịtọ ẹla ịlụwa lawụlẹ

• Wa ụpwụ ịgọgọ ịlẹ kị da ya nyị “wa,” ká da ọngọlẹ ka wẹẹ mẹ ang jẹ ụbwọ kọ ka jẹ etu nyamwụ bala abwọlẹ kọ ka bwu kpa họ ụkụrwọ

• Mẹ ifim jẹ kanụ ya ẹla lawụlẹ u-uhye nyamwụ, bwula ọ-tọ ịtọ ẹla ịkịla ịlẹ kị juwa

• Maga nyọka jẹ ang ọjẹ́jẹ ọnyọnyọọnyị ọlẹ kọ juwa ẹ-ẹpwụ nya ụpa ọnyị myị́ ọnyị

Ụka ká juwa ẹ-ẹrụ ọnyịịla ọ-kpa pyẹ, ya ụpwụ ọwẹ ha ọngịnyị jene chajị ká ka jẹ kori kọ la irya nyọka jẹ ang. (Yẹ akpa ọlẹ kọ ri “Jaabwọ Ká Ka Bwu Ya Ụpwụ Ọlẹ Kọ Ri Chị Ọkẹkẹnị Gboyi Myị́ Oyi! Ha Ọngịnyị Ụka nya Ọgbanyẹ-ọgbanyẹ.”) Kori kanụ jẹ ụpwụ ọwẹ kpá lawụlẹ, ká ọngọlẹ ka wẹẹ jẹ ang ta à tịtọ nyọka jẹ ang kịlahị wẹẹ aalẹ, ya ụpwụ ọtụka nya ọwẹ họọ ká dọmwụ bwu ang ọjẹ́jẹ 04. Kori ká tị kaa jẹ ang bala ọngịnyị ene-ene la ụpwụ ọlẹ kọ ri Teach Us lee ọlẹ kọ ri Remain in God’s Love aalẹ, yẹ kpata ká ụpwụ ọlẹ kọ ri Chị Ọkẹkẹnị Gboyi Myị́ Oyi! ká chụ ẹga kanụ ka dọmwụ bwu ụ-ụwa.

YẸ IFIM ỌLẸ KỌ RI WỤRABA WẸ ỊBAYỊBỤỤ ỌJẸ́JẸ NYANG, KANỤ WẸ ỊTỌ ẸLA ILEJI ỊLẸ:

• Ịịyẹ angịlẹ kahị kaa mẹ ang jẹ à tị́ ka jẹ bwu ụpwụ onyeewe ọwẹ?

• Ịịyẹ tị́ du ká ka mẹ ifim ọwẹ jẹ angịlẹ ká kaa jẹ ang ta inyeewe?

• Ịịyẹ a tị́ ka kịnyaa la ọ-ka ju ọngọlẹ ká kaa mẹ ang jẹ ọhụ nyọka hu kụ ịlahị bala ọ-maga kọ ka wu ọyị? ​—Yẹ akpa ọlẹ kọ ri “Ẹga ọlẹ kọ ya ẹla bwu bala Ụkụrwọ ọlẹ á ka họ nya Ụpa Ọnyọnyọọnyị”