Dịẹmọyọ 12 Bọọ Emi Yemọ

Jesus Ọkpọnanaowei Daabụọ egberi bị akị kịmịotu tolumọmị. Bịsẹ Daabụọ mị agọnọ k’emi. Jesus tẹẹmụ bara kpọ akị á tolumọmị. Ọkpọnanaowei wó ẹrẹ mịẹ yalịyalị, wó Daabụọ kọnbo bá kiriogbo kpọ wó dọụbara paa tẹẹbịbị Jesus mọ akị á tolumọmị. Ị́mịnị daụ anịghakpọ yin ụbọ aba, mị tẹẹbịbị mị yelaa wosẹ pịrịemi bara bị akị iné tọbọụ tolumọ. Jesus, Satan bụọmọwẹrị ụ mịẹ Jehovah a barasingha. Jesus wó fịrịmọpaa-otubo sẹlẹmị. Jehovah, Jesus mọ gbeleiwẹrị daamụ otubo kị bọlọụ sẹlẹmị. Jesus gesii karịbụọ tarị kụrọmọwẹrị bara bị dọụ ẹrị. Jesus baratụa kịmịotu pịrị dọụtimi duonị, ómịnị dọọntimi otu zụọ, mọụnkẹrịtimi otu gbalị bá fịịdẹ-otu kpọ tịịn-serimị. Jesus mịẹ tamamayebo Daabụọ bodaba mịẹ akị kịmị-awọụ pịrịmụ yebo kị mịẹdịa wẹrịemi.