TOLUMỌYE 29

Fịịdẹ-otubo Tebara K’emi A O?

Printed Edition

Iné tarị wẹrị emi kịmị fịịdẹ a? Bịsẹ bara paa daba, ị́ bii a paa emi: ‘Fịịdẹ-otubo tebara k’emi a o? Omịnị waị fịịdẹ kịmịbo ẹrị a paa emi a o?’ Bei tolumọyọ mọ barịị ye mọ, Bible akị bei biibịbịmọ paraị wẹrị emi bara dii.

1. Fịịdẹ-otubo tebara k’emi a o?

Kụrọ sịyaịn bụnụ mịnị kịmị, paa mịnị ye nimigha. Anị duonị Jesus fịị akị kụrọ sịyaịn kị tọnmọ mị. Fịị tebara ka kị sịyaịn-bụnụ mọ lei emi a o? Bible gbaa wẹrị emi “Fịịdẹ kịmị bá kẹnịye kpọ nimigha.” Anị duonị kịmị fịị daba paa mịnị ye nimigha, dọọn kpọ naagha, má ikieotu mọ bịnaotubo kpọ ukiegha.—Ecclesiastes 9:5 goo.

2. Fịịdẹ-otumọ emi bara nimi yọmị tebara ka kị baratụa wó pịrị mịnị a o?

Biin kịmịama fịị esiin mịnị—má fịịdẹ-otu esiin mịnị! Anịa Jesus gbaa wẹrị emi: “Gesii bị ị́ mịẹ peree mịnị.” (John 8:32) Anị duonị, Bible akị fịịdẹ-otubo gbelemọ yọ bọọ gbaa wẹrị emi egberi mị, ị́ kụrọmọ mịnị. Zụa karịbụọ-ama gbaa amọ, kịmị fịị daba, ụbọ tẹmẹ bị wo angọ duo paa wẹrị mú zịnị yọ ka inyenrin mịnị. Bible bịsẹ bara gbaagha, anị duonị fịịdẹ-otu kẹnị ụya kpọ fịgha. Amịnị paa mịnị ye kpọ nimigha duonị, amịnị laa kẹnị ye kpọ akị wó mịẹgha fa. Anị duonị omịnị tẹẹbịbị mịẹ fịịdẹ-otu pịrị má a karịmọ agbẹịgha.

Zụa kịmịama fịịdẹ-otu mọ ẹrẹtei mịnị bara gbaa mịnị. Kịmị laa fịịdẹ-otu mọ ẹrẹgha, amịnị seitẹmẹ mọ kị ẹrẹ mịnị. Wó tolumọ naa dẹ bara mị, fịịdẹ-otu “kẹnịye kpọ nimigha.” Fịịdẹ-otumọ emi bara bị wó mọ nịmị yọ duonị seitẹmẹ ma laa wó lẹịmọgha fa. Seitẹmẹ mọ ẹrẹtei daba, ebi akị wó mịẹgha fa duonị, omịnị seitẹmẹ mọ ẹrẹtei kụmọ kị Jehovah mọ gbaa wẹrị emi.—Deuteronomy 18:10-12 goo.

EBIBARA TUUDỌỤ

Bible fịị gbelemọ yọ bọọ gbaa wẹrị emi egberi tolumọ. Má ị́mịnị peibolou akị tarị nana daụ bị nị fịịdẹ-otu ụyamọgha daụ bọọ tụa dẹịnmụ bara tolumọ nimi.

Kẹnị kịmị mọ wo awọụbo mọ wo taama fịịyọ ghọ emị. Ikieotubo mọ warị kịmịbo mọ, kụrọmọye akị a pịrị mịnị.

3. Fịịdẹ-otubo emi bara tolumọ nimi

Kịmịsẹ bẹbẹ bara ka kị fịịdẹ-otu emibara gbaa mịnị, anịa anị gbaa mịnị egberimọsẹ kịrịgha.

Iné emi yọmị, kịmịama tebara ka kị fịịdẹ-otu diimọ wẹrị emi a o?

Wẹrị Bible gbaa bara dii, VIDIO farị.

VIDIO: Fịịdẹ-Otubo Tebara K’emi A O?—Dọlọyọ (1:19)

Collage: ‘Fịịdẹ otubo tebara k’emi a o?’ vidio kị duo kọn wẹrị emi dọlọyọ. 1. Fịịdẹ kịmị hospital a emi. 2. Kẹnị kịmị train bolou ka timi bụnụ mịnị.

Ecclesiastes 3:20 goo dá, bei biibịbịmọ kẹrị ẹrẹtei:

Bei Bible gooyọ dii daba, fịịdẹ-otumọ tebara k’emi a o?
Kịmị-tọbọụ angọ mị fịịgha ye emi a?

Bible mị Jesus ikie-owei Lazarus fịị egberi gbaa mị. John 11:11-14 goo dá, Jesus, Lazarus emi bara gbaa bara dii. Má bei biibịbịmọ kẹrị ẹrẹtei:

Jesus fịị akị teeki tọnmọ ma o?
Bei tọnmọye dii daba, fịịdẹ-otubo tebara k’emi a o?
Bible akị fịịdẹ-otubo emibara gbaa wẹrị emi bara mị kịrịị ma?

4. Fịịdẹ-otumọ emibara nimi mịnị yọmị baratụa wó pịrị mịnị

Fịịdẹ-otu emi bara bị wó mọ nimi daba baratụa wó pịrị wẹrị fịịdẹ kịmịama esiingha fa. Ecclesiastes 9:10 goo dá, bei biibịbị kẹrị ẹrẹtei:

Fịịdẹ kịmịbo wó ụyamọ a paa emi a?

Bible gbaa wẹrị emi egberi mị baratụa wó pịrị wẹrị fịịdẹ kịmịama karịgha fa má a mịẹ bolouịmbẹlẹmọ dọụgha fa. Isaiah 8:19, má Revelation 4:11 goo dá, bei biibịbị kẹrị ẹrẹtei:

Jehovah tebara ka kị fịịdẹ-otu karị, má anị bara duo baratụa-pịrịye bii mịnị kịmịbo diimọ wẹrị emi a o?

Collage: Ama mịẹ mịnị yeama nị fịịdẹ-otu dii dụbamọ mịnị yeama. 1. Kẹnị kịmị fịyaị emi dụwẹị dibiyọ kọọ timi tẹẹ mịnị. 2. Tara kịmịama timi sẹị mịnị. 3. Kịmịama kịmị fịị emi erein a ịngbou mọ lei emi yeama sibe má akị tụa wẹrị wẹnị mịnị. — Omịnị fịịdẹ-otu emi bara nimi yọmị baratụa wó pịrị wẹrị bá Jehovah dịsẹgha yeama mịẹgha

5. Fịịdẹ-otubo emi bara nimi mịnị yọmị wó kụrọmọ mịnị

Biin kịmịama anị mịẹdẹ seibo duonị, amịnị fịị daba ụya fịị mịnị kị tọn wẹrị emi. Anịa kịmị kụrọ sei kị mịẹ wẹrị fịị kpọ ụya fịịgha bara nimi yọmị wó kụrọmọ mịnị. Romans 6:7 goo dá, bei biibịbị kẹrị ẹrẹtei:

Bible gbaa amọ kịmị fịị daba Ọkpọnanaowei bịsẹ kịmị mịẹ wẹrị seimọ akị ụbọ bụọmọdẹ. Ị́ kpọ bịsẹ bara pei wẹrị emi?

Omịnị Jehovah emibara nimi dẹịn daba, Jehovah fịịdẹ-otu ụyamọgha fa bara kpọ wó mọ nimi dẹịn mịnị. Deuteronomy 32:4 má 1 John 4:8 goo dá, bei biibịbịmọ kẹrị ẹrẹtei: