Bẹnịị bọọ bo paa-otu Mịẹnịmịmọyeama

BENIBILEYE Benibile dọụmịnị otumọ bọlọụ bọọ emi kasịmọ ka petimi mịnị. Benibile dọụemi otumọ petimi dẹkị benibile ẹrẹegberi bị Saturday pekei bọọ koro mịẹmụ ifie laa. Kịmịsẹ angọkụọ bịdẹ má agbẹị emi benibiri bịdẹ kọn bo.

FA EMI YEAMA ẸRỊMỤ YỌ Naá bo akịgha ikpesemọsẹ akị Fa Emi Yeama Ẹrịmụ Yọ bọọ ghọ mú. Ye ínaá faa emiaba, bịsa yọ bọọ mú dá iné ikpesemọ lelei akị. Daụ mọ yin mọ duo ụwọụbụọ faadẹ awọụmọ akị bịsa yọ bọọ mú. Mọabịkpọ, kịmị ghọ bụụdọọngha mọ yọ duonị, sisei anị́ awọụmọ dii ebimọ má ifiemọsẹ a mọ mọ́ timi.

FIRST AID Sisei bei yọbị mịẹ akị vurudu paa mịnị yeama bẹtịbị pịrị wẹrị emi bara nimi.

KỊMỊ KỊẸN-OTU Baratụa ị́ pịrịmụ kịmị kịẹn otuama sẹlẹ wẹrị emi. Car park bọọ fịrịwẹnị mịnị otubo mọ, wẹnị mịnị kịmịbo dii mịnị otubo mọ, tịtẹ mịnị yọbo dii mịnị otubo mọ, bá zịnị fịrịwẹnị mịnị otubo gbaa bara kị dii mịẹ.

ỌNGỌPAAMỌ ODUBO Ị́mịnị baratụa opubẹnịị bọọ fịrịwẹnị dọụ emiaba, sisei Information and Volunteer Service Department bọọ mú.

OTUOYEMỌ Bei opubẹnịị bị mịẹ ịmbẹlẹmọ, má baratụa wó pịrị Jehovah mọ paalịị dẹịnmụ yọ duonị biin okobo ka kị bei tịtẹyebo mọ, farịyebo mọ bá televisionbo mọ mịẹpaamọ wẹrị emi. Anị otuoyemọ kị duo beiyemọsẹ mịẹpaamo mị, bá baratụa akị akpọyọrẹị fịrị kpọ pịrị mịnị. Anị́ ghọ bụụdọọngha mọ yọ duonị, otuoye ekpediama akị yọmọsẹ ghọ tịẹmọ wẹrị emi. Iné bara ghọ paadọyọsẹ seigha. Ị́mịnị laa online bọọ donate.jw.org kpọ duo otuoye mịẹ a paa emi. Aní otuoyebo wó tọrụkẹrị mị. Governing Body anị́ baratụa Ọkpọnanaowei Daabụọ pịrị emi yemọ ghọ ụmbana akị a kule mị.

TỊTẸYỌ Sisei zịnịotu tụa iroro. Ukie, tịtẹyọama kọrị ị́ mọ mọ́ kẹnị arụ duo bo, ị́ mọ mọ́ kẹnị warị ghọ emi, anịghakpọ tịẹkiri bọọ ị́ mọ mọ́ Bible tolumọemi otu bẹtịbị kị pịrị. Yeama akị iné tịtẹgha kasịị ghọ wẹrị kụmọ