Memorial Ifie Bọọ Mịẹmụ Yeama Tọnpẹlẹ

Kụraịbosẹ, Jehovah Iseriotu Christ bubu­ru fịyaị fị uge tei mịnị. Memorial ovuru laa ­daba, Jehovah kị paraị bụọmọ ịkịan bị mịẹpaamọ duonị, omịnị wó nanawẹrị emi yelaa fomuun bị akị ụ kule mịnị. (Eph 1:3, 7) Gbaamaba, omịnị angọtụa Memorial tịịnpọụn bị akị kịmịama pịrị mịnị. Zụa bịnaotuama March anịghakpọ April bọọ ifie mịẹpaamọ wẹrị 30 anịghakpọ 50 awa akị ikisa ụwọụpẹlẹ fịrị wẹnị mịnị. Bei kụraị mị, Memorial ovuru laa daba, iné egberigbaa awabo biin dẹịn ị́ mọ dọụ mịnị a? Teeki baratụa ị́ pịrị a paa emi a?

Biin ifieama, omịnị mịẹ akị wó tọn bara kpọ dẹịn mịnị. (Pr 21:5) Memorial ifie bo naịn dẹ, anị duonị, bei kị mịẹmụye tọn angọ pịrị agbei emi ifie bi. Bei Memorial ifie bị akị egberigbaa fịrị wẹnị kụrọmọ dẹịn mụ bara kẹrị iroro, bá baratụa ị́ pịrị mụ ye kpọ kẹrị iroro. Jehovah baratụapịrịye bii.—1Jo 5:14, 15.

Memorial ifie laa daba, mịẹ dẹkị laa egberigbaa fịrị wẹnị kụrọmọ dẹịn mụ bara ị́ mọ iroro a paa emi?