CHRISTTUUDUO-OTU BARA INYENRINPAAMỌ
Ọkpọnanaowei Ye Iroro Mịnị Bara Tolumọ Nimi
Omịnị ifiebosẹ Jehovah mịẹ pọwẹị kị dọụ mịnị. (Pr 27:11) Jehovah mịẹ pọwẹị dọụ mịnị aba, omịnị oloko fa ifie kpọ Jehovah ye iroro mịnị bara ka kị wó adụdụ bọọ tụa wẹrị ye tọnpẹlẹ mịnị. Teeki baratụa wó pịrị bịsẹ bara mịẹ a paa emi a?
Ifiebosẹ Bible tolumọ angọ pịrị. Omịnị Bible goo dẹ ifiesẹ Jehovah mọ kị ẹrẹtei mịnị. Jehovah akị sei anịghakpọ ebi otubo mọ inyenrin bara dii daba, omịnị Jehovah akị ye iroro mịnị bara tolumọ mịnị. Omịnị iroro tọnpẹlẹ dọụ mịnị aba, yalịyalị kụrọ mị baratụa wó pịrị wẹrị Bible dụọ goo dẹ yelaa tolumọyeama ukie a paa emi.—Joh 14:26.
Tuudọụ. Ị́mịnị ye tọnpẹlẹ dọụ mịnị aba, iné angọ bii, ‘Te Bible goo yọama kị baratụa ị pịrị wẹrị Jehovah akị ye diimọ wẹrị emi bara nimi mịnị a o?’ Jehovah baratụapịrịye bii, ogbo bị mịẹpaamọ dẹ funbo akị iné egberi gbele emi Bble tolumọ yeama dọụ paamọ.—Ps 25:4.
WÓNI “YEINETIMI BAANGỊ”—ỌNGỌ EBIMỌNGỊ FỊYAỊ FỊ, VIDIO FARỊ DÁ BEI BIIBỊBỊBO BII:
Te penimọye kị vidio bọọ emi bịna-araụma laa ma o?
Bịsẹ paa penimọyeama ị́ laa daba, ogbo mịẹpaamọ dẹ yebo akị tuudọụ mụ yọbị tebara ka kị baratụa ị́ pịrị a paa emi a o?
Omịnị ifie mịẹpaamọ wẹrị Bible bọọ ebi iroro tọnpẹlẹ mụ bara aki tuudọụ daba, te arereama kị wó laa mịnị a o?—Heb 5:13, 14