CHRISTTUUDUO-OTU BARA INYENRINPAAMỌ
Itukosuotubo Ebi Akị Jehovah Kịmịbo Pịrịmụ Fịrịama Kị Wẹnị Mịnị
Akpọ bọọ emi daakụrọbo anị kụrọbo akị agbẹịgha bara kị mịẹmịnị. Anị duonị biin kịmịama ba eti akị daakụrọbo atụagha. (Mic 7:3) Omịnị pọwẹị ka mị, Jehovah ogbo bị tolumọye akị itukosuotubo pịrị mịnị. Anị duonị ámịnị anị nanawẹrị emi kụrọ bị akị ebi Jehovah kịmịbo pịrịmụ fịrịama kị wẹnị mịnị.—Es 10:3; Mt 20:25, 26.
Itukosuotubo, akpọ otubo bara fa, ámịnị Jehovah mọ wo kịmịbo mọ tarị yọkị duonị angọ paamọ bei fịrịwẹnị mịnị. (Joh 21:16; 1Pe 5:1-3) Ámịnị Jesus gbaayọ peimịnị duonị, bịnaotubosẹ kẹrị-akị mịnị bá baratụa a pịrị wẹrị Jehovah mọ naịn timi mịnị. Tẹmẹ-anga baratụapịrịye bá dọọn gbelemọ bụụdọọnye anịghakpọ vurudu akpotu paa daba ámịnị baratụa ị́ pịrị mịnị. Baratụapịrịye ị́ mọ dọụ emiaba, iné itu bọọ emi itukosukịmị mọ ẹrẹtei—Jas 5:14.
ITU KEKERE MỊNỊ ITUKOSUOTUBO, VIDIO FARỊ DÁ BEI BIIBỊBỊMỌ PARAỊ:
Mariana tebara ka kị itukosuotu baratụapịrịye duo arerenana ma o?
Elias tebara ka kị itukosuotu baratụapịrịye duo arerenana ma o?
Bei paa yebo diidaba, ị́mịnị tebara ka kị itukosuotubo wẹnị mịnị fịrịbo diimọ wẹrị emi a o?