Dịẹmọyọ 3 Bọọ Emi Yebo

Opubeni bụọdẹmị, Bible bị dọlaị kịmịama nị Jehovah karị kịmịama ẹrẹama tịịn wẹrịemi. Abraham kpọ bịsẹ kịmịbo a kẹnị ụbọ, ómịnị Jehovah ikieowei. Tetuu kị duonị Jehovah ikieowei akị Abraham tịịn ma o? Ị́mịnị daụ ụbọ anịghakpọ yin ụbọsẹ, baratụa akị iné tọbọụ pịrị dá Jehovah wó a dịsẹ nana wẹrịemi, bá baratụa ụ pịrị dọụmịnị bara bị nimi. Lot, Abraham, Jacob bá zịnị peibolou nana otu mịẹ baramị, omịnị kpọ Jehovah baratụa-pịrịye bii a paaemi. Jehovah wó kikoromọdẹ yebosẹ mịẹbeinmọ mụ eti ómịnị mọ nana.