Dẹịnsụọkụmọ

Paul Mịẹye Mị

VIDIO: Paul Dẹịnsụọgha Bara Ephesus Bọọ Egberi Gbaa Mị

1. VIDIO dii, anịghakpọ Acts 19:​8-10 goo dá, bei biibịbịbo kẹrị iroro:

1. Paul penimọye bolou ghọsụọ ifie bị, omịnị suusụọ mọ bara dii a, mọkpọ tebara ka kị dẹịnsụọgha bara akị baratụa egberi bọọ dịsẹnana wẹrịemi otu pịrị ma o?

2. Paul tebara ka kị barịị barịị bara mú egberi bọọ dịsẹnana wẹrịemi otu tolumọ ma, Paul bịsẹ bara mịẹtimi te ifie kị laa ma o?

Paul Mịẹye Mị Te Ka Kị Wó Tolumọ Ma O?

2. Omịnị waị mú kịmịotu laa bá Bible akị a mọmọ́ tolumọmụ yọmị angọtụa bá ifie dọụ wẹrịemi.

Paul Dimịẹ

3. Ebi akị ụbọ pịrịmụ ifie ka mú. Iné angọ bii: ‘Te ifie, bá te yọ ka ụbọ mọ gbelei agbẹịemi a o? Te ifie, bá te yọ kọọ ụbọ bị fomuun nana wẹrị ị mọmọ ẹrẹtei a paaemi a o?’ Ụbọ fomuun nana wẹrịemi ifie mị ebi ị́ pịrịgha kị gbaakpọ, ifie mịẹpaamọ wẹrị mú ụbọ laa.

4. Ụbọ mọ ifie gbaapẹlẹ. Ụbọ mọ tolumọsiindẹ ifiesẹ, anị maa kịmị waị gbele wẹrị tolumọmụ ifie gbaapẹlẹ. Angọtụa dá anị maa kịmị gbaapẹlẹ wẹrịemi ifie bọọ mú ụbọ laa.

5. Ụbọ mị ị́ pei a paaemi ikiemọye nana. Ifiebosẹ fomuunfa anịghakpọ warị-afa ụbọ, wó egberi bọọ dịsẹnanagha bara iroro kụmọ. (1Cor. 13:​4, 7) Anịduonị dẹịnsụọgha bara ụbọ dọụmú, mọabịkpọ kịlịkịlị bara iné ifie mị akị ebibara fịrịwẹnị.—1Cor. 9:26.