Ẹrẹtei Mị Ị́ Mọ Tịẹmọ Agbẹịemi A O?

Kịmị wó egberi bọọ sụọtuunimi dịsẹ-emisẹ omịnị pọwẹịtimi ụbọ mọ ẹrẹteimịnị. Omịnị “fagha fagha ụndụ nana dịsẹ-emi” kịmịama mọ kị ẹrẹtei dọụmịnị.—Acts 13:48.

Mọabịkpọ, nimighatimi kịmị wó mọ dụnịị, boloukọn, anịghakpọ tịẹkiri bọọ wó mọ ẹrẹdọụghaba, omịnị teeki mịẹ agbẹịemi a o? Dọọ, bá kịlịkịlị ụwọụ akị ẹrẹtei tịẹmọ. (Prov. 17:14) Angọtụadá ụbọ mọ dụnịghatimi yọ dụọ seri, kaanghaba ụbọ bị zịnị ifiea wó mọ ẹrẹtei kpọ a paaemi.—1 Pet. 2:12.