CHRISTTUUDUO-OTU BARA INYENRINPAAMỌ

Jehovah Kpẹkpẹrẹẹ Tarị Diimịẹ

Kpẹkpẹrẹẹ tarị gbelemọ yọbị Jehovah kị dụbadẹịn mịẹdịaye nanawẹrị emi. (Ps 103:11) Bei tarị paa bị kpa vingha, olomu emi bá timi fagha fagha ifie kị laa mịnị tarị. Jehovah biin ụwọụama ka kị bei tarị paa bị mịẹ Isreal-otubo dịa mị. Omịnị Egypt duo a zụọ akị mú Kiikoromọ Ogbo bọọ tụa mị. (Ps 105:42-44) Jehovah sụụ a pịrị mị bá barịbarị anị mịẹ seimọ akị a bụọmọ mị. (Ps 107:19, 20) Wó “sọnịsọnị bara akị Jehovah mịẹdịadọ kpẹkpẹrẹẹ tarị bị diitụa” daba, bịsẹ yọbị baratụa wó pịrị wẹrị Jehovah diimịẹ mịnị.—Ps 107:43.

Collage: “Sonịsonị Bara Akị Jehovah Mịẹdịadọ Kpẹkpẹrẹẹ Tarị Bị Diitụa” vidio dụọ akị werị emi fotoama 1. Bịnaowei Capra ba zịnị bịnaowei mọ kenị bịnaraụ diiyọ a mú mị. 2.Binaowei Capra, ba zịnị bịnaotuama mọ akị ikoliwarị a kaị werị emi, ámịnị fịyaị akị kẹnị angọ fa bịnaowei pịrị mịnị.

“SỌNỊSỌNỊ BARA AKỊ JEHOVAH MỊẸDỊADỌ KPẸKPẸRẸẸ TARỊ BỊ DIITỤA,” VIDIO FARỊ DÁ BEI BIIBỊBỊMỌ PARAỊ:

Omịnị te ụwọụama ka kị kpẹkpẹrẹẹ tarị mịẹdịa a paa emi a o?

Your answer
Kpẹkpẹrẹẹ tarị gbelemọ yobị tetuu kị duonị omịnị ifie mịẹpaamọ zụa yeama pịrị agbẹị emi a o?

Your answer