Dịẹmọyọ 5 Bọọ Emi Yebo
Israel-otubo Red Sea bẹịn wẹrị maa agọnọ-wei bụọmị ámịnị bo Sinai bọọ emi Ogun laamị. Jehovah bịsẹ yọ bọọ Israel-otubo mọ wó yelaa ibe a paamụ avụọ fịmị. Jehovah á kekere bá ánị dọụ wẹrị yebosẹ mịẹpaamọ á pịrịmị—manna kọn á pịrị fịmị, bịdẹbo kpọ kaịngha, bá ámịnị laa dọọtimi inyenrin a paaemi yọ kpọ mịẹpaamọ á pịrịmị. Ị́mịnị yin ụbọ anịghakpọ daụ ụbọaba, baratụa iné tọbọụ pịrịdá Jehovah oloko tụa Israel-otubo pịrị tuu mọ, tapolin-karịwarị mịẹpaamọ á pịrị tuu mọ, bá ịkịan-kụn otu mịẹpaamọ á pịrị tuu kpọ dọụ ẹrị. Ifiebosẹ wo gbaadẹ egberi mịẹbeinmọ mụ yọmị yelaa-emi bara mọ, angọ-iyerimọ yelaa-emi bara mọ bá Jehovah mọ kpẹkpẹrẹẹtimi mụ yọmị yelaa-emi bara bị dọụ ẹrị.