Panangtaming kadagiti Rikrikna

Ti sibaballigi a panangaramid iti dayta ket pudno a karit. Ibaga ti maysa nga agtutubo ti kapadasanna: “Naragsak ti riknak, ngem iti sumaganad nakaro ti panaglidayko. No dadduma diak pay ammo ti riknak. Kasla daydiay naan-anay a mapukpukawak iti kasipngetan. Diak maiyebkas ti bagik ken no ania dagiti riknak siasinoman ti kasaritak, uray pay iti bagik a mismo. Mariknak nga awan ti panangikankano dagiti tattao iti aglawlawko, nangnangruna dagiti kaeskuelaak, agsipud ta saanak a napintas. Kamaudiananna dagitoy a rikrikna ti mangpappapatay kaniakon, ket mangrugin a kagurak ti bagik ken ti personalidadko.”

Ti ubing a babai nakagun-od iti libro a Ti Kinaagtutuboyo​—Pananggun-od ti Kasayaatan iti Dayta. “Makapainteres unay dayta,” insuratna, “gapuna kayatko a basaen ti sumaganad a kapitulo, nga isu ‘Ti Panagbalasang.’ Diak makapapati iti basbasaek. Ti kapitulo eksakto ti panangdeskribirna iti nariknak iti nabiit pay, ken impaayna ti sungbat. Makaparegta a mabasa a naan-anay a gagangay ti makarikna iti kastoy. Basta masapul laeng nga ammuek ti umiso a pamay-an a panangtaming iti dayta.”

Malaksid ti panangtulongna kadagiti agtutubo a mangtaming kadagiti rikriknada, daytoy a libro salaysayenna dagiti bambanag a kas ti panangabuso iti droga, ken sungbatanna dagiti saludsod a, Rebbeng aya nga uminum dagiti agtutubo kadagiti inumen a de alkohol? ken, Rebbeng aya a makidennada sakbay ti panagasawa? Umawatkayo iti maysa a kopia maipaay iti ₱14 laeng babaen ti panangsurat ken panangibuson iti kupon.

Pangngaasiyo ta mangipatulodkayo, nabayadanen ti seliona, ti natangken akkubna, 192-panid a libro a Ti Kinaagtutuboyo​—Pananggun-od ti Kasayaatan iti Dayta. Nangisapitak iti ₱14.