Tamingenda Dagiti Inaldaw-aldaw a Parikut

Maysa a babai manipud Lisbon, Portugal, itay nabiit pay nagsurat iti sanga nga opisina ti Watch Tower Society iti dayta a pagilian tapno agkiddaw ti magasin nga Agriingkayo! Ti nangtignay iti dawatna isut’ pannakaawatna di pay nabayag ti kopia ti magasin a Pagwanawanan. Nabasana dayta ket impategna unay ta kinunana:

“Kayatko ti agyaman kadakayo iti ruar Ti Pagwanawanan a napasangpetko ita. Natakkuatak a makagunggona unay dagiti amin nga artikulo iti daytoy a ruar. Idinto ta ti Agriingkayo! ket gubbuayan ti praktikal a balakad a naibatay iti Biblia iti panangtaming kadagiti inaldaw-aldaw nga isyu, nasayaat daytoy a kanayonan ti basbasaek no aginanaak.

“Maysa pay laeng a bulan ti napalabas nanipud inrugik ti agadal ti Biblia, ngem umanayen dayta tapno matarusak ti kinapateg dagiti publikasionyo.

“Agyamanak manen kadagidiay nangipaay ti biagda a tumulong kadagiti tao a kas kaniak a masursuruan maipapan ti Pagarian ken Sao ni Jehova.”

Dagiti Saksi ni Jehova ket maysa nga internasional nga organisasion a nasurok nga uppat a milion nga estudiante ti Biblia nga us-usarenda ti biagda a tumultulong iti sabsabali a mangammo ti ad-adu pay maipapan ti pangpanggep ti Dios. No kayatyo ti maaddaan ti kanayonan nga impormasion wenno maysa a libre a panagadal ti Biblia iti pagtaengan, pangngaasiyo ta agsuratkayo iti Watchtower, P.O. Box 2044, 1099 Manila wenno dagiti umiso a direksion a nailista iti panid 5.