Paragsaken ti Biag ti Pamiliayo

IDI nangipatulod ti maysa a pasiente idiay Sud Carolina, E.U.A., iti tract a Tagiragsakenyo ti Biag ti Pamilia iti maysa kadagiti narsna, nagtelepono ti nars tapno agyaman kenkuana gapu iti dayta. Kinuna ti nars nga inranudna ti tract iti asawana ket nagkaduada a nangbasa iti dayta a buyogen ti panangapresiar. Kinapudnona, kinuna ti nars a kasla dida mamati nga adda positibo unay a banag a magun-odan a tumulong kadagiti pamilia.

Inlawlawag ti pasiente: “Imbaga ti nars kaniak a ti impormasion ket apag-isu iti pinagsaritaanda nga agassawa maipapan kadagiti nasayaat ken positibo a bambanag iti pamilia ngem dida ammo nga adda magun-odan a nayimprenta maipapan iti tema. Inngudona ti awag iti telepono babaen ti panagkunana nga itugtugotna ti bassit a tract sadino man ti papananna ken ulit-ulitenna a basbasaen. Kinunana a no addaanak ti aniaman a sabali nga impormasion maipapan iti biag ti pamilia ipakitak dayta kenkuana.”

Pinatulodan ti pasiente ti nars iti libro a Panangparagsak ti Biag ti Pamiliayo ket panggepna a sarungkaran ti nars tapno salaysayen dayta kenkuana. Nalabit apresiarenyo met ti impormasion tapno ad-adda pay a maparagsakyo ti pamiliayo. No kayatyo ti makaawat iti maysa a kopia ti Tagiragsakenyo ti Biag ti Pamilia ken Panangparagsak ti Biag ti Pamiliayo wenno ti maaddaan iti libre a panagadal ti Biblia iti pagtaengan, pangngaasiyo ta agsuratkayo iti Watch Tower, P.O. Box 2044, 1099 Manila, wenno iti maitutop a direksion a nailista iti panid 5.