Ammoyo Kadi?

(Masarakan dagiti sungbat daytoy a quiz kadagiti naipaay a sitas ti Biblia, ket nayimprenta iti panid 22 ti intero a listaan dagiti sungbat. Agpaay iti kanayonan nga impormasion, agkonsultakayo iti publikasion nga “Insight on the Scriptures,” nga impablaak ti Watchtower Bible and Tract Society of New York, Inc.)

1. Aniat’ inusar ti Dios a pangparsua iti material nga uniberso? (Genesis 1:2)

2. Babaen ti silsilaw iti tangatang, nangipaay ni Jehova iti pakaibatayan ti ania? (Kitaenyo ti Genesis 1:14.)

3. Aniat’ inanamaen dagiti adipen ni Sennakerib nga ibunga ti panagpukkawda iti natbag a timek kadagiti Judio ken iti pagsasao a mismo dagiti Judio iti bakud ti Jerusalem? (2 Cronicas 32:18)

4. Ania nga alikamen a pagtalon ti nausar idi angged a pagdalus iti daga a napno iti kaskasumba? (Isaias 7:25)

5. Aniat’ naipanagan iti sagrado a naabel a bulsa, a naglaon iti Urim ken Tumim, nga isuot ti nangato a padi iti barukongna no sumrek iti Nasantuan? (Exodo 28:29, 30)

6. Sigun iti linteg ti Dios, aniat’ kalalainganna a bilang dagiti saksi a maikalikagum tapno mapasingkedan ti maysa a banag? (Hebreo 10:28)

7. Aniat’ nagan ti Israelita a mannakigubat a nangpapatay ken ni Lami, ti kabsat ni Goliat? (1 Cronicas 20:5)

8. Asino ti nangato a padi a nangibilin iti pannakapapatay ni Reyna Atalia? (2 Ar-ari 11:15, 16)

9. Aniat’ kunaen ti Biblia a maaramidan ti maysa a tao no agdawat ken ni Jehova? (Exodo 32:11)

10. Asino nga anak ni Jacob ti addaan nagan a kaipapananna “Nagasat,” a naikugnal iti dir-i ni Lea idi pannakaipasngayna? (Genesis 30:11)

11. Aniat’ nagan ti nabato ken nangato a disso a nangibangonan ni Solomon iti templo ni Jehova? (2 Cronicas 3:1)

12. Aniat’ kaipapanan ti titulo ni Jesus a “Kristo”? (Aramid 4:26)

13. Aniat’ imbaga ni Jesus a rumbeng nga aramiden tapno “sumrek iti akikid a ruangan”? (Lucas 13:24)

14. Ania a nagan ti naited iti kaudian ti naindagaan a pinarsua ti Dios a nailanad iti Biblia? (Genesis 3:20)

15. Manipud pay idi damo, aniat’ panangmatmat ti Dios iti puso ti sangatauan? (Genesis 8:21)

16. Ti balasang ti asino nga ari ti Madian ti pinapatay ni Finees, a namagpatingga iti saplit ti Dios iti Israel? (Numeros 25:15)

17. Aniat’ inusar ti asawa ni David a ni Micol a nakaallilawan dagiti mensahero nga imbaon ni Saul a mangpapatay koma ken ni David? (1 Samuel 19:11-16)

18. Nangibukbokan ti maikapito nga anghel ti malukong ti unget ti Dios? (Apocalipsis 16:17)

19. Ania a termino ti inusar ti Biblia a mangilasin iti tattao a saan a kapuonan dagiti Israelita? (Esdras 10:2)

20. Asino a kaputotan ni Juda, nga awanan annak a lallaki, ti nangted iti balasangna iti tagabona a ni Jara tapno agtultuloy ti kaputotanna? (1 Cronicas 2:34, 35)

21. Aniat’ nakatignayan ni Uzza, bayat a naibiahe ti lakasa ti tulag, a manggammat iti dayta? (1 Cronicas 13:9, 10)

22. Ania ti kakaisuna a salaysay ti Biblia a nangnangruna a mangilanad iti annongen ti mammadto a mangiwaragawag iti mensahe ti pannakaukom iti di-Israelita a siudad?

23. Aniat’ di maaramidan ti Dios? (Hebreo 6:18)

24. No mangbendision ni Jehova, aniat’ saanna nga inayon iti dayta? (Proverbio 10:22)

25. Ania dagiti banag nga innala ni David iti uluanan ni Saul bayat a matmaturog, a mangpaneknek a dina dangran? (1 Samuel 26:12)

26. Aniat’ inaramid ni Jesus tapno maliklikan ti pannakauborna? (Juan 8:59)

Dagiti Sungbat ti Quiz

1. Ti aktibo a puersana

2. Kalendario

3. Pagbutngen ken mangriribuk kadakuada

4. Gabion

5. Pektoral

6. Dua

7. Elhanan

8. Joiada

9. Agpakpakaasi

10. Gad

11. Bantay Moria

12. Napulotan

13. “Umagawakayo a sipipinget”

14. Eva

15. “Dakes manipud kinaubingna”

16. Zur

17. Ladawan ken pungan a dutdot dagiti kalding

18. Angin

19. Ganggannaet

20. Sesan

21. Dagiti baka nagtibkolda

22. Ti libro a Jonas

23. Agulbod

24. Ladingit

25. Gayang ken gorgorita ti danum

26. Naglemmeng