Ammoyo Kadi?
(Masarakan dagiti sungbat daytoy a pannubok kadagiti naipaay a sitas ti Biblia, ket nayimprenta iti panid 19 ti intero a listaan dagiti sungbat. Agpaay iti kanayonan nga impormasion, agkonsultakayo iti publikasion nga “Insight on the Scriptures,” nga impablaak ti Watchtower Bible and Tract Society of New York, Inc.)
1. Siasino ti pinilitda a tumulong a mangawit iti kayo a pagtutuokan ni Jesus? (Mateo 27:32)
2. Ania a sao ti nasurok a 90 a daras nga inusar ti Dios idi kinasaona ni mammadto Ezequiel tapno ipaganetget nga isu ket nabatad a taga daga? (Ezequiel 2:1)
3. Kas ipakita ti Linteg, ania nga alikamen a pagtalon ti naipakpakauna ni Jehova a posible a mausar a kas igam? (Exodo 21:18, NW)
4. Ania ti imbaga ni Pablo a masapul a pakaibasaran dagiti naasi nga aramid tapno magunggonaan ti manangted? (1 Corinto 13:3)
5. Ania ti impadto ni Jesus a mamitlo nga aramiden ni Pedro iti dayta nga aldaw sakbay nga agtaraok ti kawitan? (Lucas 22:34)
6. Ania a tribu ti Israel ti immawat iti tawid a daga agpadpada iti daya ken laud ti Jordan? (Josue 13:29; 17:5)
7. Sigun ken Jesus, tapno pudno a naindaklan ti maysa a tao, kasano ti rumbeng a panagtignayna? (Lucas 9:48)
8. Apay a pinili ni Samson ti maysa a Filistea nga agbalin nga asawana? (Oc-ocom 13:25–14:4)
9. Nupay napapatayen ti sangapulo nga annak a lallaki ni Haman, ania ti kiniddaw ni Ester? (Ester 9:13)
10. Ania ti pangawag kadagiti panguluen ti hurisdiksional a distrito dagiti imperio ti Babilonia ken Persia? (Daniel 6:1, NW)
11. Tapno adda lasag a maisalakan, ania ti kinuna ni Jesus a maaramid kadagiti aldaw ti “dakkel a rigat”? (Mateo 24:21, 22)
12. Idi asidegen a matay, ania ti impasigurado ni Jose kadagiti annak ti Israel? (Genesis 50:24; Hebreo 11:22)
13. Siasino ti nangipasdek ken ari iti immuna nga imperio kalpasan ti Layus? (Genesis 10:8-12)
14. Siasino ti nanggatangan ni Ari Omri iti bantay ti Samaria iti dua a talento a pirak sakbay a pinagbalinna dayta a kabeserana? (1 Ar-ari 16:24)
15. Iti ania a siudad a napagkamalianda da Pablo ken Bernabe a didiosen a da Hermes ken Zeus? (Aramid 14:8-12)
16. Bayat a nagtalaw ni David ken dagiti tattaona manipud Jerusalem kalpasan ti iyaalsa ni Absalom, siasino daydiay nagna iti bakras ti turod a nagubor ken nagiwaris iti tapok kadakuada? (2 Samuel 16:13)
17. Kadagiti takdang ti ania a karayan nga inawat ni Daniel ti sirmata maipapan iti panagdangadang dagiti ari iti amianan ken iti abagatan? (Daniel 10:4)
18. Iti ania a lugar ti nakaibangonan ti torre ti Babel? (Genesis 11:2)
Dagiti Sungbat ti Pannubok
1. Ni Simon ti Cirene
2. “Anak ti tao”
3. Ti gabion
4. Ayat
5. Ilibakna nga am-ammona ni Jesus
6. Manases
7. “Kas nanumnumo”
8. Nagtignay a maitunos iti panangiturong ti espiritu ti Dios; ti kasta a panagasawa ti nangted kenkuana iti gundaway a makirupak kadagiti Filisteo
9. A kas ken amada, mabitayda iti imatang dagiti tattao kas pakaibabainanda
10. Dagiti satrapa
11. Mapaababa dagiti aldaw
12. Panawanda ti Egipto sada mapan idiay Naikari a Daga
13. Nimrod
14. Semer
15. Listra
16. Ti Benjamita a ni Semei
17. Tigris (Hiddekel)
18. Senar