Ammoyo Kadi?
(Masarakan dagiti sungbat daytoy a pannubok kadagiti naipaay a sitas ti Biblia, ket nayimprenta iti panid 14 ti intero a listaan dagiti sungbat. Agpaay iti kanayonan nga impormasion, agkonsultakayo iti publikasion nga “Insight on the Scriptures” nga impablaak ti Watchtower Bible and Tract Society of New York, Inc.)
1. Ania a tribu ti Israel ti nagsagaba iti kakaruan a pannakakissay iti bilang dagidiay maikari nga agsoldado—nasurok nga 60 a porsiento—idi naaramid ti maikadua a pannakabilang dagiti tattao idiay let-ang? (Numeros 1:23; 26:14)
2. Ania ti imbaga ni Jesus a saanton nga aramiden dagiti mapagungar? (Lucas 20:35)
3. Siasino ti nangibagaan ni Agur kadagiti sasao a masarakan iti Proverbio kapitulo 30? (Proverbio 30:1)
4. Ania ti imbaga ni Pablo a masapul a mabalbaliwan tapno maaramid ti pagayatan ti Dios? (Roma 12:2)
5. Siasino dagiti inusar ni Gamaliel kas ehemplo idi ginuyugoyna ti Sanhedrin a dida riribuken dagiti Kristiano? (Aramid 5:34-40)
6. Ania ti panggep idi ni Jose nga aramiden tapno maliklikan ti panagbalin ni Maria a “bubuyaen ti publiko”? (Mateo 1:19)
7. Apay a dagiti tattao nga “agnanaed idi idiay Lidda ken iti tanap ti Saron . . . bimmaw-ingda iti Apo”? (Aramid 9:35)
8. Kasano ti panangpadas dagiti Fariseo ken dagiti Saduceo a mangsulisog ken Jesus? (Mateo 16:1)
9. Ania ti inaramid ni Jehova kadagiti nadangkes nga anghel a nangpanaw iti umiso a lugar a pagnaedanda? (Judas 6)
10. Ania ti kaipapanan ti pannakaparsua ti tao a kaladladawan ti Dios? (Genesis 1:27)
11. Ania ti kayat a sawen ti Dios idi kinunana a ti daga ti pagbatayan dagiti sakana? (Isaias 66:1)
12. Napanan ni Cleopas ken ti maysa pay a padana nga adalan idi naglasag ni Jesus ken kimmuyog kadakuada? (Lucas 24:13)
13. No magnatayo a “sililinteg,” ania ti masiguradotayo? (Salmo 84:11)
14. Ania ti nagpadaan da Pablo ken Aquila? (Aramid 18:3)
15. Kas impadto ti Dios, ti anak ni Abraham a ni Ismael ket maaddaan iti mano nga annak? (Genesis 17:20; 25:16)
16. Mano a “tattao iti sangakabbalayan ni Jacob” ti napan idiay Egipto kas imbilin ni Faraon? (Genesis 46:27)
17. Iti ania ti nangidiligan ni Jesus kadagidiay agar-aramid iti naimbag iti kanunumuan kadagiti kakabsatna? (Mateo 25:31-45)
18. Ania a titulo, a naadaw iti umuna ken maudi a letra iti Griego nga alpabeto, ti naited iti Dios? (Apocalipsis 1:8)
Dagiti Sungbat ti Pannubok
1. Ti tribu ni Simeon
2. Mangasawa
3. Ithiel ken Ucal
4. Panunot ti maysa
5. Da Teudas ken Judas a taga Galilea
6. Idiborsio
7. Nakitada a ni Eneas ket pinaimbag ni Pedro iti nagan ni Jesus
8. “Kiniddawda kenkuana a mangipakita kadakuada iti maysa a pagilasinan manipud langit”
9. Naisaganada “iti agnanayon a pannakaibalud iti sidong ti napuskol a kinasipnget maipaay iti panangukom ti naindaklan nga aldaw”
10. Addaan kadagiti kualidad a kaasping ti Namarsua kenkuana ket dayta ti nakaigidiatanna kadagiti animal
11. Iti piguratibo a panagsao, nangatngato nga amang ti tronona idiay langit ngem iti daga
12. Emmaus
13. Nga ‘awanto ti imbag nga ikedked’ ni Jehova kadatayo
14. Agpadpadada nga ‘agar-aramid iti tolda ti pagsapulanda’
15. Sangapulo ket dua
16. Pitopulo
17. Karnero
18. “Ti Alfa ken ti Omega”