ABISUA

[mabalin a, Ni Ama ket Tulong].

1. Benjamita iti pamilia ni Bela. (1Cr 8:1-4) Nupay agparang nga isu anak ni Bela, ti panagduduma dagiti salaysay iti Numeros 26:40, 1 Cronicas 7:7, ken 1 Cronicas 8:1-4 ti makagapu a patien ti dadduma a ti sao nga “annak” mabalin a kaipapananna ketdi ti “kapkaputotan.”

2. Ti anak ni Finehas ken apoko ni Aaron iti tumeng. Isu ti ama ni Buqui. (1Cr 6:4, 5, 50, 51) Iti Esdras 7:1-5 naipakita nga isu ket maysa kadagidi amma ni Esdras. Ni Josephus (Jewish Antiquities, V, 361, 362 [xi, 5]; VIII, 12 [i, 3]) tukoyenna ni Abisua (naawagan Abiezer iti Libro V) kas nangato a padi, a no agpayso a kasta, dayta ti mamagbalin kenkuana a maikapat a nangato a padi ti Israel. Maitunos daytoy iti kari ni Jehova iti ama ni Abisua, ni Finehas, nga agtalinaed ti kinapadi iti pamiliana.​—Nu 25:11-13.