Pagadalan nga Edision

PANGGEP DAGITI MAADAL NGA ARTIKULO

MAADAL NGA ARTIKULO 1, 2 PANID 3-12

Mangipaay dagitoy nga artikulo kadagiti nasayaat a rason nga iyaplikartayo ti balakad ni Jehova maipapan iti panagasawa. Paunegenda ti apresasiontayo iti sagut ti Dios a panagasawa. Ipakitada met no apay a napateg a maaddaan iti positibo a panangmatmat iti problemado a panagasawa ken no kasano nga agresulta iti naragsak a panagasawa ti panangyaplikar iti balakad ti Biblia.

MAADAL NGA ARTIKULO 3 PANID 17-21

Ilawlawag daytoy nga artikulo no kasano a ni Jehova ti Naindaklan a Manangikeddeng iti Tiempo. Pabilgenna ti pammatitayo kenkuana ken iti Saona, ti Biblia. Pabilgenna pay ti determinasiontayo a mangusar a naimbag iti tiempotayo bayat nga ur-urayentayo ti panangispal ni Jehova.

MAADAL NGA ARTIKULO 4 PANID 23-27

Nupay imperpektotayo, ay-ayatentayo ni Jehova a Dios ken kayattayo nga iyanninaw ti dayagna. Ilawlawag daytoy nga artikulo no kasano a posible dayta. Ipakitana no ania ti masapul nga aramidentayo tapno matulad ken maay-ayotayo ti Dios. (Efe. 5:1) Ipakitana pay no kasanotayo a maitultuloy a maipadayag ti Dios.