Asidegen a dumteng dagiti napateg a paspasamak. Itampok dagitoy nga artikulo ti sangapulo a paspasamak a masapul a laglagipentayo. Lima kadagitoy ti mainaig iti pannakadadael ti lubong ni Satanas ken lima met ti mainaig iti kasasaad iti baro a lubong.

MAADAL NGA ARTIKULO 3 PANID 18-22

Tartarigagayantayo amin nga agpatingga koman daytoy dakes a sistema ti bambanag tapno matungpal ti naipadto a Paraiso. Sumagmamano man a bulan wenno adun a tawen nga agur-urayka, apay a napateg nga agan-anuska? Tulongannatayo daytoy nga artikulo a mangpatanor iti kinaanus.

MAADAL NGA ARTIKULO 4 PANID 23-27

Segseggaan ti amin nga adipen ti Dios ti panagpatingga daytoy a sistema. Ipakita daytoy nga artikulo nga adda dagiti pagimbaganna no saantayo nga ammo ti eksakto nga aldaw ken oras nga iyaay ti panungpalan.

MAADAL NGA ARTIKULO 5 PANID 28-32

Dagiti kombension ket nabayagen a paset ti nasin-aw a panagdayaw. Usigen daytoy nga artikulo ti sumagmamano a naespirituan a tampok dagiti naangay a kombension iti Biblia ken iti kaaldawantayo. Mausig met dagiti pagimbagan ti itatabunotayo kadagiti kombension.

ITI DAYTOY MET A RUAR

13 Dagiti Teokratiko nga Eskuelaan—Pammaneknek ti Ayat ni Jehova

AKKUB: Ikagkagumaan dagiti kakabsat iti Pilipinas a danonen ti amin a tattao, kas iti daytoy a lalaki iti makin-amianan a Luzon a nakasakay iti traysikelna

PILIPINAS

AGIBUMBUNANNAG

177,635

REGULAR PIONEER

29,699

NABAUTISARAN IDI 2011

8,586

LENGUAHE A NAKAIPATARUSAN DAGITI PUBLIKASIONTAYO