Adu nga indibidual a nadakamat iti Kasuratan ti nangipakita iti natibker a pammati ken kinatured. Babaen ti panangusigtayo kadagiti kapadasanda, mapabilegtayo a maaddaan iti natibker a pammati ken Jehova ken situtured nga agserbi kenkuana. Itampok daytoy a diskusion ti teksto para iti tawen 2013.

▪ Dimo Ipalubos a Mayadayoka ken Jehova

▪ Itultuloymo ti Umadani ken Jehova

Adu dagiti banag a saantayo a mabalin a pilien, pakairamanan dagiti nagannak, kakabsat, ken ti lugar a nakayanakantayo. Ngem naiduma no maipapan iti relasiontayo ken Jehova. Datayo ti agpili no agbalintayo a nasinged kenkuana wenno saan. Usigen dagitoy nga artikulo ti pito a banag a ditay koma ipalubos a mangyadayo kadatayo manipud ken Jehova.

▪ Agserbi nga Awanan Panagbabawi

Addaantayo amin iti banag a pagbabbabawyan ken kayattayo a baliwan. Ngem saantay koma nga ipalubos a dagita ti mangpaginad iti panagserbitayo ita iti Dios. Iti daytoy nga artikulo, adda maadaltayo iti ulidan ni apostol Pablo no kasano a makapagtultuloytayo nga agserbi ken Jehova nga awanan panagbabawi.

▪ Kristiano a Papanglakayen—‘Katrabahuan Maipaay iti Rag-otayo’

Iti maikadua a suratna kadagiti taga-Corinto, inlawlawag ni Pablo nga isu ken dagiti kakaduana ket ‘katrabahuan a maipaay iti rag-oda.’ (2 Cor. 1:24) Ania ti maadal dagiti Kristiano a panglakayen kadagita a sasao ni Pablo? Ken kasano nga agbalin ti tunggal maysa kadatayo a pakaigapuan iti rag-o ti kongregasion? Ti sungbat kadagitoy a saludsod ket mausig iti daytoy nga artikulo.

ITI DAYTOY MET A RUAR

3 Situtulok nga Agsaksakripisioda—Iti Norway

32 Nagsayaat a Resulta ti Naiplano nga Aktibidad

AKKUB: Mangyad-adal iti Biblia dagitoy a retirado nga agassawa iti beranda ti maysa a pagtaengan iti ili ti Camp Perrin. Sumagmamano a taga-Haiti nga agnanaed iti sabali a nasion, kas iti daytoy a pagassawaan, ti nagsubli nga agserbi iti pagilianda nga agkasapulan iti ad-adu nga agibumbunannag

HAITI

RATIO DAGITI AGIBUMBUNANNAG ITI POPULASION TI HAITI

1:557

AGIBUMBUNANNAG

17,954

PANANGYADAL ITI BIBLIA

35,735