Gimong a Mangtulong Kadatayo nga Agaramid Adalan
LAWAS TI MAYO 7-13
10 min: Lokal nga anunsio ken Dagiti Pakaammo manipud Ti Ministeriotayo iti Pagarian. Paregtaen dagiti amin a makiraman iti trabaho ti magasina iti Sabado. Idemostra iti dua wenno tallo nga abbaba a presentasion ti magasina a maitutop iti lokal a teritoria, a tunggal maysa ilawlawagna ti maysa laeng nga artikulo.
17 min: “Itultuloy a Kunaen, ‘Umayka!’ Kadagidiay a Dumngeg.” Saludsod ken sungbat. Maaddaan iti napili a lokal a kapadasan a maistoria no palubosan ti tiempo. Maigunamgunam ti panangitukon iti suskripsion nga agpadpada iti Ti Pagwanawanan ken Agriingkayo! iti kada maitutop nga okasion. Paregtaen dagiti agibumbunannag nga agsarungkar nga awanan taktak tapno ikagumaan nga ipasdek iti panagadal ti Biblia kadagiti interesado a tattao.
18 min: “Bearing Fruit With Endurance.” Palawag iti material idiay pinanid 253-5 ti 1990 Yearbook. Sibabara a komendaran dagiti agibumbunannag iti lokal a kongregasion isuda a situtured a nangasaba ken nagpataud ti bunga iti sidong dagiti narigat a kasasaad.
Kanta 72 ken pangserra a kararag.
LAWAS TI MAYO 14-20
10 min: Lokal nga anunsio ken report iti kuenta. Maiwayat iti urnos ti serbisio iti tay-ak nga agpaay iti ngudo ti lawas, ken maparegta dagiti grupo ti pamilia a makipaset iti panagbalaybalay a ministerio.
20 min: “Situtured nga Iwaragawag ti Naimbag a Damag.” Saludsod ken sungbat a diskusion iti material. Basaen dagiti parapo no ipalubos ti tiempo.
15 min: Ti Panangmatmat iti Biblia. Palawag ken demostrasion. Manipud iti daydi Hulio 8, 1985, a ruar ti Agriingkayo!, daydiay “Ti Panangmatmat iti Biblia” isut’ maysa a makapainteres a benneg iti magasina. Ti artikulo maipapan iti takder ti Biblia kadagiti suheto a nailawlawag isudat’ nadisenio nga agpaay kadagiti managsaludsod a panunot, mamati wenno saan iti Biblia. Masansan a dagiti artikulo ti mangted iti presko nga iyaadani kadagiti suheto a nailawlawagen iti napalabas. Ar-aramatentayo met laeng daytoy a benneg iti tay-ak ti ministerio? Abbaba laeng dagiti artikulo ken napunto, nga agatiddog laeng iti dua a pinanid. Irepaso kadagiti timmabuno iti adu kadagitoy nga artikulo a maiparbeng iti lokal a teritoriayo. Idemostra no kasano a dagiti artikulo ket maaramat iti ministerio.
Kanta 92 ken pangserra a kararag.
LAWAS TI MAYO 21-27
10 min: Lokal nga anunsio ken Teokratiko a Damdamag. Mairaman iti urnos nga agpaay ti ngudo iti lawas a serbisio ti tay-ak. Maitukon dagiti singasing no ania nga artikulo dagiti agdama a ruar iti magasina ti makaapelo kadagiti tattao iti lokal a teritoria.
20 min: “Panagtultuloy iti Ministeriotayo nga Awanan Ressat.” Saludsod ken sungbat. Pabasa dagiti parapo iti makabael a kabsat a lalaki. Dadduma kadagiti dumdumngeg ti mabalin a bumasa ken agkomento kadagiti naisitar a kasuratan. Maaramid ti lokal nga aplikasion iti impormasion, a tulongan dagiti agibumbunannag a mangparukma kadagiti problema a maipasango idiay teritoria ken salimetmetan iti umiso a kapanunotan. Masapul a determinado dagiti amin nga agserbi ken Jehova a buyogen ti regta agingga iti panungpalan.
15 min: Ti Pateg iti Naimbag a Damag iti Bibiagtayo. Palawag. Masarakan iti material idiay Enero 1, 1990, a Pagwanawanan, pinanid 4-6. Maiyurnos dagiti nakasagana a komento manipud iti kongregasion no kasano a ti naimbag a damag ket tumulong a mangpasayaat iti bibiagda.
Kanta 193 ken pangserra a kararag.
LAWAS TI MAYO 28–HUNIO 3
10 min: Lokal nga anunsio ken diskusion iti pateg ti nasapa a panagreport iti gapuanan idiay tay-ak ti serbisio iti kongregasion. Maparegta dagiti amin nga agibumbunannag a rummuar iti tay-ak ti serbisio iti Sabado ken Domingo. Daytoy isuntot’ umuna a Domingo iti Hunio.
15 min: “Panangiparang ti Naimbag a Damag—Kadagiti Agtutubo.” Saludsod ken sungbat a panangusig. No madanon iti parapo 4 paidemostra iti maysa nga agibumbunannag iti presentasion ti tukon iti maysa nga agtutubo. Paregtaen dagiti agtutubo, nagannak, ken dagiti dadduma nga utobenda iti naintiempuan a balakad ti libro. Agsagana dagiti amin a mangusar iti libro idiay tay-ak ti serbisio. Maisingasing dagiti wagas a mausar iti diskusion ti pamilia.
10 min: Saludsod. Palawag babaen iti maysa a panglakayen, a saklawenna ti impormasion iti artikulo. Maaramid met ti masinnunuo a reperensia dagiti ekselente a tape recordings nga impaay ti Sosiedad, ken tulongan dagiti kakabsat a kumita no kasano a dagitoy ket mausar iti tunggal maysa kadagiti Kristiano a pagtaengan.
10 min: Palawag iti pateg ti regular a panangusig iti inaldaw a teksto ken komento. Maisingasing no kasano a maaramid daytoy. Maibasar ti palawag iti impormasion idiay pakauna a sasao ti Panangsukimat kadagiti Kasuratan iti Inaldaw-aldaw—1990.
Kanta 46 ken pangserra a kararag.