Panangsaksi iti Kinapudno
1 Indeklara ni Jesus: “Naiyanakak gapu iti daytoy, ken gapu iti daytoy immayak ditoy lubong, tapno saksiak iti kinapudno.”—Juan 18:37.
2 Babaen iti naregta a panangasabana, indayaw ni Jesus iti nagan ni Jehova. Impakitana met iti napudno nga ayat kadagiti tattao. Insurat ni Mateo maipapan ken Jesus: “Idi a nakitana dagiti umariwekwek simnek iti asina kadakuada, agsipud ta nalalatanda ken nawarawarada a kas karnero nga awan ti pastorda.” (Mat. 9:35, 36) Kas ken Jesus, ti debosiontayo ken Jehova ken ti ayattayo iti dadduma isut’ mangtignay kadatayo a mangasaba.
TI NAPATEG A NAKATUDINGANTAYO
3 Ti ayattayo ken Jehova ken kadagiti tattao isut’ manggutugot kadatayo a manggundaway iti kada oportunidad a mangisuro iti kinapudno maipapan ken Jehova. (Sal. 96:2; 145:10-13) Nupay kasta, ti panangigarasugas iti panagbiag isut’ nalaka a mangibaw-ing kadatayo manipud iti trabaho a panangasaba. Gapuna a masapul iti panangsalimetmet iti naganat a panangsaksi iti kinapudno ken ditay koma pabaw-ing kadagiti nadumaduma a bambanag. (Mat. 24:14; 28:19, 20) Ti panagtalinaed a kupado isut’ maysa a salaknib kadatayo ken mangted met iti manayon a gunggona kadagidiay a dumngeg kadatayo.—1 Cor. 15:58.
4 Mabalinyo kadi ti agserbi a kas regular wenno auxiliary payunir? Apay a dikay usigen iti kasasaadyo ken kitaen no mapalawa ti serbisioyo iti kastoy a wagas? Nagretirokayo kadin iti panggedanyo? Apay a dikay usaren iti mas nawadwad a tiempo iti panangasaba? Adu dagiti agtutubo iti pagadalan ti kanayon a makapagserbi kas auxiliary payunir ket nasarakanda a makabang-ar daytoy kadakuada iti espiritual ken pisikal.
5 Ti epektibo a panangsaksi iti kinapudno kasapulanna iti naannad nga iskediol iti tiempotayo. (Efe. 5:15, 16) Ti panagserbi kas auxiliary payunir kasapulanna laeng iti promedio a dua nga oras iti kada aldaw. Iranta dagiti dadduma ti agriing iti nasapa nga oras tapno makaruarda iti serbisio sakbay a mapanda iti eskuela wenno trabaho. Adu dagiti kongregasion ti nakatulong kadagiti auxiliary payunir babaen iti panangurnosda ti panangasaba iti rabii. Kasta met, mabalin a maparegtakayo ken makaalakayo iti makatulong a singasing babaen ti pannakisaoyo iti dadduma nga addaan iti nasayaat a panangiyiskediol ti tiempoda iti auxiliary payunir a trabaho.
6 Dagidiay agserbi ken Jehova a simamatalek isudat’ umawat iti nawadwad a bendision. Maragsakan a mangawat iti aniaman nga ipalubos ti sirkumstansiatayo nga aramiden bayat ti panangsaksitayo iti kinapudno.—Heb. 6:10.