Gimong a Mangtulong Kadatayo nga Agaramid Adalan
LAWAS TI NOBIEMBRE 12-18
10 min: Lokal nga anunsio ken Dagiti Pakaammo manipud Ti Ministeriotayo iti Pagarian. Diskusion iti baro a Topiko a Pagsasaritaan.
20 min: “Pabilgen ti Pammati iti Sao ti Dios.” Saludsod ken Sungbat. No salsalaysayen ti parapo 3, palubosan dagiti epektibo nga agibumbunannag nga agdengdengngeg a mangitukon kadagiti espesipiko a suhestion ken komento maipapan kadagiti tampok a punto a mabalin a mausar idiay tay-ak. Isagana dagitoy a komento a nasakbay.
15 min: “Nasakbay a Panagplano para ti Disiembre.” Saludsod-ken-sungbat a panangwanas. Idiay parapo 5, inayon ti interbio iti maysa wenno dua a nangiyaplikaren kadagiti sumagmamano a suhestion a nadakamat iti artikulo. Idemostra no kasano a ti maysa nga eksperiensiado a payunir mabalin a tumulong iti maysa a naregta nga agibumbunannag a mangaramid ti personal nga eskediol ti panagpayunirna inton Disiembre.
Kanta 195 ken pangserra a kararag.
LAWAS TI NOBIEMBRE 19-25
10 min: Lokal nga anunsio ken report ti kuenta. Iraman ti subalit ti Sosiedad maipapan kadagiti kontribusion, ken iyebkas ti apresasion iti pinansial a tulong kadagiti pagkasapulan ti lokal a kongregasion.
17 min: Nagannak, Dikay Ruroden dagiti Annakyo. Palawag ken demostrasion a naibasar iti pinanid 16 ken 17 ti Agriingkayo! Enero 22, 1990, ken kadagiti subtitulo a “Panangparegta iti Anakyo a Naebkas” ken “Pannakaawat iti Kasapulan dagiti Tin-edyer” idiay kapitulo 11 ti Biag ti Pamilia a libro. Paregtaen dagiti nagannak a mangtarus kadagiti annakda ken tulongan ida a rumang-ay iti naespirituan ken dadduma pay. Iti panagngudo ti panangyadal ti Biblia, idemostra no kasano a dagiti nagannak ket komendaranda dagiti annakda kadagiti regtada. Ti interes iti trabahoda idiay eskuelaan ket maipakita babaen ti panangparegta ken panangtulong kadakuada kadagiti pagrigatanda. Ti tserman serraanna babaen ti panangipaganetget ti pannakasapul ti kanayon a panangipapuso iti interes ti anak.
18 min: “Danonen dagiti Puso Babaen kadagiti Epektibo a Panangyadal ti Biblia.” Saludsod-ken-sungbat a panangwanas ti artikulo. No salaysayen dagiti parapo 3 ken 5 idemostra ti panangibagay kadagiti lokal a kasasaad. Ipaganetget dagiti maiyanatup a punto idiay Pebrero 1, 1985 nga isyu Ti Pagwanawanan.
Kanta 43 ken pangserra a kararag.
LAWAS TI NOB. 26–DIS. 2
10 min: Lokal nga anunsio. Teokratiko a Damdamag. Manginterbio ti maysa a pamilia nga agpalplano iti panangasaba iti intero a ngudo ti lawas a kaduada ti kongregasion. Itampok ti aniaman a makatulong kadagiti dadduma.
20 min: “Panangpatanor kadagiti Nasinged a Relasion ti Pamilia.” Palawag ti maysa nga panglakayen, a makipaset ti agdengdengngeg. Iraman dagiti suhestion no aniat’ mabalin a maaramid iti lokal tapno mapatanor dagiti naespirituan a kalidad dagiti miembro ti pamilia ken tapno tulongan ti amin a mangtagiragsak ti serbisio iti tay-ak.
15 min: Panagsagana Maipaay ti Ministerio iti Tay-ak. Idemostra ti maysa a grupo ti pamilia a mangisagsagana kadagiti presentasion para iti tay-ak, ti maysa itukonna ti magasin, ti sabali ti maysa a tract, ken ti maikatlo itukonna ti panangyadal ti Biblia. Mangited ti espesial a panangipaganetget iti panangusar ti tukon iti Disiembre a Ti Librok dagiti Estoria ti Biblia. Ipakita dagiti miembro ti pamilia a mangen-ensayo kadagitoy iti tunggal maysa kadakuada.
Kanta 42 ken pangserra a kararag.
LAWAS TI DISIEMBRE 3-9
10 min: Lokal nga anunsio ken dagiti maitampok a punto manipud kadagiti kabaruan a magasin. Iraman ti dua nga ababa a demostrasion a panangitukon ti magasin.
20 min: “Panangiparang ti Naimbag a Damag—Buyogen ti Pannakaawat.” Saludsod ken sungbat. Kalpasan ti panangsalaysay ti parapo 3, mangiparang ti dua a demostrasion a mangipakita no kasano nga itunos ti presentasion iti kasasaad ti bumalay. Dagiti demostrasion mabalinda nga agngudo no naibanag daytoyen, nalabit kabayatan wenno kalpasan ti introduksion.
15 min: Panamagballigi ti Ministerio Inton Disiembre. Ti Disiembre irugina ti serye dagiti Kombension Distrito. Agplano a makipaset iti ministerio iti nasapa a paset ti bulan. No awankayto iti ngudo ti Disiembre, siguruenyo nga ibati ti reportyo ti serbisio ti tay-ak iti sekretario ti kongregasion sakbay a pumanawkayo. Pagsasaritaan dagiti maitampok a punto a maitutop nga usaren iti lokal a teritoria iti panangitukon Ti Librok dagiti Estoria ti Biblia. Idemostra no kasano a ti agibumbunannag ket makisarita iti bumalay maipapan ti kinapateg ti panagbasa ti Biblia. Mabalin nga usaren ti 2 Tim. 3:16, 17 tapno ipakita a ti Sao ti Dios ket napaltiingan ken makagunggona, a sarunuen ti Juan 17:3 tapno ipakita ti espesipiko a gunggona.
Kanta 29 ken pangserra a kararag.