Gimong a Mangtulong Kadatayo nga Agaramid Adalan
LAWAS TI HUNIO 10-16
12 min: Lokal nga anunsio ken Dagiti Pakaammo manipud Ti Ministeriotayo iti Pagarian. Maituyang dagiti urnos ti serbisio iti tay-ak.
20 min: “Iturong Dagiti Tattao Manipud Sipnget iti Lawag.” Saludsod ken sungbat a diskusion. Iti parapo 6, mausig iti Topiko a Pagsasaritaan ken maaddaan iti makabael nga agibumbunannag a mangidemostra no kasano a mausar iti Panangbiruk iti Dios a libro a kas tukon.
13 min: Mapagsaritaan iti “Saludsod” idiay panid 3. Maigunamgunam dagiti bendision nga aggubbuay manipud iti panangsurot kadagiti teokratiko a rekomendasion.
Kanta 192 ken pangserra a kararag.
LAWAS TI HUNIO 17-23
10 min: Lokal nga anunsio ken report iti kuenta. Mairaman dagiti panagyaman iti donasion.
20 min: “Panangirugi iti Panagadal a Mausar Ti Panangbiruk ti Sangatauan iti Dios.” Saludsod ken sungbat a diskusion. No lawlawagan iti parapo 6, maaddaan kadagiti makabael nga agibumbunannag manipud timmabuno a nakasagana a mangitukon kadagiti singasing ken komento maipapan ti panangirugi iti panagadal idiay kapitulo 11 wenno kapitulo 13.
15 min: Palawag iti “Panangkuenta ti Gastos ti Iyaakar iti Nabaknang a Daga,” manipud iti Pagwanawanan nga Abril 1, 1991, pinanid 26-9.
Kanta 65 ken pangserra a kararag.
LAWAS TI HUNIO 24-30
10 min: Lokal nga anunsio. Mailawlawag iti maysa wenno dua a mapagsaritaan a puntos manipud kadagiti agdama a magasina.
18 min: “Panangtulong iti Dadduma Idiay Tay-ak ti Serbisio.” Palawag, agraman sumagmamano a pannakipaset dagiti dumdumngeg. Ababa nga interbio iti maysa a mapagulidanan nga agibumbunannag a makailawlawag iti personal a pagimbagan manipud iti pannakikuyog kadagiti dadduma idiay tay-ak ti serbisio.
17 min: “Panangiparang ti Naimbag a Damag—A Sieepektibo Babaen ti Panagimdeng.” Saludsod ken sungbat a diskusion. No mausig iti parapo 4, maidemostra no kasano a masaaw ti maysa nga agibumbunannag iti naimbag a gundaway a maaddaan iti nasayaat a panagsasarita no saan nga alerto iti komento ti bumalay. Saludsodan dagiti dumdumngeg no kasano koma a nataming daytoy. Kalpasanna paidemostra manen iti isu met laeng nga agibumbunannag, ngem iti daytoy a daras ipakitana ti umiso a pannakaaramidna babaen iti napatanor a nasayaat a saritaanda iti bumalay.
Kanta 11 ken pangserra a kararag.
LAWAS TI HULIO 1-7
10 min: Lokal nga anunsio ken Teokratiko a Damdamag.
20 min: “Usarenyo ti Biblia iti Tay-ak ti Serbisio.” Saludsod ken sungbat a diskusion. Maisinggalut iti parapo 5, maaddaan iti ababa a demostrasion a mangipakita no kasano a ti maysa nga agibumbunannag ket mangted iti epektibo a pammaneknek babaen iti maysa laeng a teksto manipud Topiko a Pagsasaritaan.
15 min: Panangitukon Kadagiti Broshur iti Hulio ken Agosto. Panangusig iti Topiko a Pagsasaritaan, “Nasaysayaat a Kasasaad nga Agur-uray Kadatayo,” nga isunto ti mausar. Dagiti naisingasing a kasuratan isudat’ 2 Pedro 3:13 (baro a lubong a naikari) ken Apocalipsis 21:4 (ti kasasaadto sadiay). Repasuen dagiti mapagsaritaan a puntos kadagiti broshur. Maidemostra ti maysa a naisingasing babaen iti Topiko a Pagsasaritaan.
Kanta 151 ken pangserra a kararag.