Dagiti Pakaammo

◼ Literatura a tukon iti Mayo: Suskripsion ti Pagwanawanan a makatawen iti ₱70.00. Hunio: Ti baro a libro, Ti Katan-okan a Tao a Nagbiag Pay Laeng iti ₱48.00. Hulio: Life​—How Did It Get Here? By Evolution or by Creation?, dakkel nga edision iti ₱48.00, bassit nga edision iti ₱24.00. Agosto ken Setiembre: Uray ania kadagiti broshur iti ₱4.80.

◼ Ipatulodmi a kakuyog iti Abril nga statement ti kuenta iti “Special Order Blank for Forms.” Pangaasiyo ta usisaenyo dagiti abasto a porma ket maipatulod ti pedidoyo iti kabiitan a tiempo. Amin a pedido ti masapul a maawat iti sanga nga opisina inton Agosto 31, 1992. Ti bayad dagitoy a porma ti masingir iti kuentayo ti literatura. Siguruenyo ti mangipatulod iti remittance manipud kuarta ti kongregasionyo a mangkobre iti gastos dagitoy a porma no ti masingir ket agminar iti binulan nga statement. Importante: Siguruenyo nga iraman dagiti pedido a lapel cards iti kombension ti distrito kadagiti pedidoyo a pormas ket maipatulod dagitoy apaman a maimalditda.

◼ Masapul a dagiti kuenta ti kongregasion ket mausisa iti Hunio 1 wenno saan a mabayag iti kalpasanna babaen iti mangidaulo a manangaywan wenno siasinoman a dutokanna.

◼ Magazine File Case: Adda abastotayo a pagipempenan ti magasina, nga isut’ kasukat dagidiay dati a Watchtower ken Awake! binders. Mausar dagitoy kadagiti uray Pagwanawanan wenno Agriingkayo!, ket malaonda ti agarup 24 a kopia dagiti magasina. Ti kontribusion dagitoy isut’ ₱64.00 ngem awan iti gatad ti payunir.

◼ Large Print Songbook: Addaankami ti limitado nga abasto kadagiti dadakkel ti letrana a pagkantaan iti Ingles. Nairanta daytoy kadagidiay nakapoy ti panagkitada. Daytoy a pagkantaan ti naglaon laeng kadagiti sasao ti kanta, awanan ti nota, ket napuspuskol bassit ngem ti ordinario nga edision. Ti gatadna iti agibumbunannag isut’ ₱64.00 ket ₱48.00 met kadagiti payunir. Maala laeng daytoy ti agdama iti Ingles.