Gimong ti Serbisio iti Mayo
Lawas ti Mayo 4-10
15 min: Lokal nga anunsio ken Dagiti Pakaammo manipud Ti Ministeriotayo iti Pagarian. Malawagan met daytoy “Ti Kingdom Ministry School Mangted iti Teokratiko nga Edukasion.” Organisaren ti manangaywan iti serbisio a masarungkaran dagiti timmabuno ti Memorial a saan pay a maad-adalan nga agdama.
15 min: “Iwaragawag ti Naimbag a Damag Babaen iti Ti Pagwanawanan.” Saludsod ken sungbat a panangusig iti artikulo. Iraman ti ababa a demostrasion a mangipakita no kasano a ti panangusar kadagiti puntos iti panid 2 idiay Ti Pagwanawanan ket pabilgenna iti panangipateg ti suskripsion iti panunot ti bumalay.
15 min: Diskusion iti “Panagdayaw Kadagiti Inapo” manipud Panakirinnason a libro, pinanid 292-5. Bayat nga isikkir dagiti adu a dagiti inapo ket saan a daydayawen iti mayoridad a tattao iti maawagan a Kristiano a pagilian, adu ti ar-aramiden iti moderno a sosiedad a panagdayaw kadagiti natay. Dagiti estatua ken lamina isuda ti mangipalpalagip kadagiti mabigbig a tattao. Maiyammo ti pabuya babaen iti ama a makisao iti agtutubo nga anakna. Usaren ti naganak iti impormasion manipud Panakirinnason a libro, panid 293. Mailawlawag ti material manipud umuna a dua a subtema a mangipakita iti agtutubo no apay a napeggad ti agbuya kadagiti nakabutbuteng a pelikula a mangitandudo ti espiritismo wenno ideya a dagiti natay ket nagsublida a mangal-alia kadagiti sibibiag. Mailawlawag ti kasasaad dagiti natay ken ti namnama a panagungar ken maipakita no kasano a daytoy ket apektaranna ti panangmatmat kadagiti natay. Iyebkas ti agtutubo a liklikanna dagiti paglinglingayan a mangitandudo iti espiritismo.
Kanta 208 ken pangserra a kararag.
Lawas ti Mayo 11-17
10 min: Lokal nga anunsio. Malawagan met dagiti puntos idiay “Saludsod.”
15 min: “Dagiti Epektibo a Damo a Sarungkar.” Saludsod ken sungbat a panangkobre. Kalpasan a mausig ti parapo 4, idemostra no kasano a ti maysa nga agibumbunannag ket kabaelanna nga itukon ken idemostra ti panagadal iti Biblia babaen ti panangusarna ti tract a Biag iti Maysa a Natalna a Baro a Lubong.
20 min: Panangitukon iti Ti Pagwanawanan iti balaybalay. Maysa a makabael nga agibumbunannag ti makisao iti bumalay, nga usarenna iti naisingasing a panangiparang iti parapo 3 idiay artikulo nga “Dagiti Epektibo a Damo a Sarungkar.” Maaramid ti maitutop a panagreperensia iti rumbeng a puntos kadagiti natungpalen a padto ti Biblia idiay Mayo 15, 1992, a Pagwanawanan. Maragsakan ti bumalay ngem kalalainganna laeng ti interesna. Iparang ti agibumbunannag kenkuana dagiti magasina ken iyebkasna ti tarigagayna nga agsubli tapno manayonan pay ti panagsaritada. Umanamong ti bumalay. Kalpasan ti demostrasion, ammuen ti tserman iti agibumbunannag no apay a saanna nga intukon ti suskripsion. Marikna ti agibumbunannag a ti interesna ket kalalainganna laeng ket mabalin a mas maiparbeng no itukonnanto iti sumaruno a tiempo no manayonan pay ti interesna.
Kanta 87 ken pangserra a kararag.
Lawas ti Mayo 18-24
10 min: Lokal nga anunsio ken report iti kuenta. Maited ti komendasion kadagiti nagdonar iti Sosiedad ken kongregasion.
15 min: Pagsaritaan ti material maipapan iti “Antikristo” manipud Panakirinnason a libro, pinanid 36-8. Ania ti depinasion iti “antikristo”? Adda laeng kadi maymaysa, wenno aduda? Kaano a nagparang ti antikristo, ken siasino dagiti mabigbig a kasta? Ababa a demostrasion ti maysa nga agibumbunannag a sumarungkar iti maysa a mannakimisa a napakdaaran maipapan kadagiti Saksi ni Jehova.
20 min: “Panangusar ti Panakirinnason a Libro iti Panagsarungkar.” Saludsod ken sungbat a diskusion. Maiparang ti dua a nasayaat iti pannakaisaganana a demostrasion iti parapo 3 ken 4.
Kanta 197 ken pangserra a kararag.
Lawas ti Mayo 25-31
10 min: Lokal nga anunsio. Teokratiko a Damdamag.
20 min: Panangitukon iti baro a libro, Ti Kantan-okan a Tao a Nagbiag Pay Laeng. Maipabuya ti naisagana a naimbag a demostrasion iti sumaruno: Kalpasan a maiyammo ti bagi, mabalin a kunaen ti agibumbunannag, “No isaludsodtayo no siasino iti natan-ok a tao a nagbiag pay laeng, nagduduma ti maisungbat kadatayo. Kadagiti amin a tattao iti historia a naawagan iti natan-ok, awan kadakuada ti kangrunaan a nangapektar iti biag dagiti adu a tattao a kas iti kabileg ti panangapektar ni Jesu-Kristo. Ti ehemplona isut’ maysa a banag a surotentayo. Kitaenyo no ania ti kunaen ni apostol Pedro maipapan kenkuana. [Basaen ti 1 Pedro 2:21.] Inlawlawag ni Jesus a mismo no apay a napateg iti panagtulnog kenkuana. Ti pudno a panagdayaw iti Ama isut’ babaen laeng ken Jesus, kas nakunana iti Juan 14:6. [Basaen.] Kasano ti kawadwad iti pannakaammotayo ken Jesus kas tao? Ania ti insurona? Kasano ti panagbiagna ken panangtratona iti dadduma? Daytoy libro, Ti Katan-okan a Tao a Nagbiag Pay Laeng, isut’ sumungbat kadagitoy a saludsod ken dagiti adu pay.” Ipakita dagiti kangrunaan a lawag ti libro. No ipakita iti bumalay daytoy a libro, iturongyo kadagiti dua a kotasion idiay introduksion, kas iti nakuna da H. G. Wells ken Napoleon. Itudo dagiti adu nga ekselente a de kolor nga ilustrasion, kas iti daydiay adda iti kapitulo 26 ken 44.
15 min: Kiddawen dagiti kapadasan manipud kadagiti nagserbi nga auxiliary payunir iti Abril ken Mayo. Ania a sakripisio ti inaramidda, ken kasano a mariknada a binendisionan ni Jehova ti pingetda? Adda kadi baro a panagadal ti Biblia a nairugida kas resulta iti napawadwad a trabahoda las-ud ti bulan? Dagiti kapadasan ti maiyurnos a nasakbay. Paregtaen dagiti amin nga usigenda ti agserbi nga auxiliary payunir iti masanguanan a bulbulan, wenno uray agpalistada a regular payunir no ipalubos ti kasasaadda.
Kanta 93 ken pangserra a kararag.
Lawas ti Hunio 1-7
10 min: Lokal nga anunsio.
25 min: “Panangusar iti Ti Katan-okan a Tao a Nagbiag Pay Laeng.” Maimatonan a kas diskusion a makiraman dagiti timmabuno. Maisango iti dua a demostrasion. Ti umuna usarenna ti naisingasing a panangiparang iti parapo 3. Ti maikadua isut’ ababa a panangipakita no kasano a mairugi ti panagadal iti Biblia a mausar ti baro a publikasion.
10 min: Lokal a kasapulan wenno narayray a palawag a naibasar iti impormasion idiay Setiembre 15, 1991 nga artikulo ti Pagwanawanan nga “Dagiti Ilustrasion—Tulbek iti Pangdanon Kadagiti Puso.” Isingasing dagiti ilustrasion a maiparbeng iti lokal a teritoria babaen ti Katan-okan a Tao a libro.
Kanta 80 ken pangserra a kararag.